უკრაინის ოპოზიციური პოლიტიკური პარტიები ოდესის ყოფილი გუბერნატორის და საქართველოს ექს პრეზიდენტის, მიხეილ სააკაშვილის უკრაინაში დაბრუნებას მოითხოვენ.

ამის შესახებ სააკაშვილის პარტიამ „ახალი ძალების მოძრაობა“ Facebook-ის გვერდზე გამოაქვეყნა.

მოთხოვნას უერთდებიან სხვადასხვა პოლიტიკური პარტიები, როგორიცაა „დემოკრატიული ალიანსი“, „სამოქალაქო პოზიცია“, „სახალხო კონტროლი“, „უკრაინის ევროპული პარტია“, „ბატკივშინა“, „სამოპომიჩი“, „სვობოდა“ და „სამოქალაქო მოძრაობა ხვილია“.

პარტიების  განცხადებით, ხელისუფლება ოპოზიციის ერთ-ერთ ლიდერს პოლიტიკურად გაუსწორდა, ასევე დაარღვია ადამიანის უფლებები, რითაც უკრაინის საერთაშორისო რეპუტაცია შელახა.

„ამ დანაშაულის გამოძიება აუცილებლად უნდა მოხდეს. ყველა სახელმწიფო მოხელე, რომელმაც კანონი დაარღვია და საკუთარ უფლებამოსილებებს გადააჭარბა, ბრალდებულთა სკამზე უნდა აღმოჩნდეს.

ხელისუფლებამ უნდა უზრუნველყოს მიხეილ სააკაშვილის უკრაინაში დაბრუნება, მისცეს მას უკრაინულ სასამართლოებში საკუთარი უფლებებისა და ღირსების დაცვის საშუალება, როგორც ამას უკრაინის კანონმდებლობისა და საერთაშორისო სამართლის ნორმები ითვალისწინებს“, - ნათქვამია პარტიების განცხადებაში.

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა