აჭარის მთავრობის წარმომადგენლებმა უცხოეთში დაღუპული გმირები გაიხსენეს

15 თებერვალს, მსოფლიოში სხვა სახელმწიფოთა ტერიტორიებზე დაღუპულ მებრძოლთა ხსოვნის დღე აღინიშნება.

თარიღთან დაკავშირებით, ბათუმის მერიის, აჭარის მთავრობის, უმაღლესი საბჭოს წარმომადგენლები და ომის ვეტერანები გმირთა ხეივანში შეიკრიბნენ და უცხოეთში დაღუპული გმირები გაიხსენეს.

აჭარის ჯანდაცვის სამინისტრო, პროგრამის ფარგლებში, 2012 წელს ავღანეთის ომში დაღუპული სამი ჯარისკაცის დედებსა და მეუღლეებს 3 მარტს 1,000-1,000 ლარს, ხოლო აგვისტოს თვეში 3,000- 3,000 ლარს გადასცემს.

ბათუმის მერიამ კი დღევანდელ თარიღთან დაკავშირებით ავღანეთის ომში დაზარალებული ოთხი მეომრის ოჯახებს ერთჯერადი მატერიალური დახმარების სახით 300-300 ლარი გადასცა. გარდა ამისა, მერია ომის ვეტერანების მუნიციპალური ტრანსპორტით მგზავრობას, ტელეფონის სააბონენტო და კომუნალურ ხარჯებს აფინანსებს.

საბჭოთა ჯარები ავღანეთში 1979 წლის დეკემბერში შეიჭრნენ. 10-წლიანი ომის დროს, ავღანეთში საქართველოდან 5 000-მდე ჯარისკაცი იბრძოდა, მათგან 128 დაიღუპა, 300 დაზარალდა, 7 კი უგზო-უკვლოდ დაკარგულად ითვლება.

(NS)

ავტორი: ,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი