იუსტიციის მინისტრი თეა წულუკიანი „დემირელის“ კოლეჯის ხარისხის მართვის ყოფილი მენეჯერის მეუღლეს, თუბა ჩაბუქს გამოეხმაურა.

როგორც წულუკიანმა აღნიშნა, ექსტრადირების პროცედურები ყოველთვის საქმის ფაქტობრივი გარემოებებიდან წყდება. მანვე დასძინა, რომ ის სასამართლო გადაწყვეტილების მიხედვით იმოქმედებს.

„გავეცანი ქალბატონი ჩაბუქის წერილს, მე მინდა საზოგადოებას, მათ შორის მას, ვუთხრა ის, რაც ბევრჯერ მითქვამს, რომ ექსტრადიციის პროცედურები ყოველთვის წყდება საქმის ფაქტობრივი გარემოებებიდან. ფასდება სხვდასხვა კომპონენტი პროცედურების, მათ შორის არის ის, რომ საქმე უნდა იყოს სამართლებრივად გამართული, რომელიც სისხლის სამართლის უცხოეთიდან შემოსული საქმეა, და რა თქმა უნდა, ხდება იმ ინტერესების ბალანსი, რაც შეიძლება არსებობდეს ადამიანის უფლებების კუთხით. აქ სტრასბურგის პრეცედენტი არის აბსოლუტურად ნათელი. შესაბამისად, როგორც ადრე ვთქვი, ჩვენ ველოდებით ქართული სასამართლოს გადაწყვეტილებას, თუკი საქართველოს სასამართლოები იტყვიან, რომ მინისტრს აქვს უფლება გადასცეს, ასეთ შემთხვევაში, იმ კრიტერიუმებით მივიღებ გადაწყვეტილებას, რომელიც უკვე ჩამოვთვალე, თუ ქართული სასამართლო იტყვის, რომ მინისტრს არ აქვს უფლება ექსტრადიცია განახორციელოს, ამით ეს საქმე დაიხურება", - განაცხადა თეა წულუკიანმა.

შეგახსენებთ, რომ 10 თებერვალს მუსტაფა ემრე ჩაბუქის მეუღლემ, თუბა ჩაბუქმა იუსტიციის მინისტრს ღია წერილით მიმართა. მან მინისტრს მოუწოდა, რომ ემრე ჩაბუქის თურქეთში ექსტრადირება არ დაუშვას, რადგან მას იქ წამება ელოდება.

ავტორი: ,

სოციალური ქსელები

"ივანიშვილი არის დასამხობი" - ამ ფრაზისთვის ახალაიას 2 წლითა და 6 თვით პატიმრობა მიესაჯა

„ჩვენ გვჭირდება შემაკავებელი ორდერი“- ტრამპი მელონის კიდევ ერთხელ დასცინის

ლუკაშენკო: ბელარუსს ბრძოლა არ სურს, მაგრამ მტრის წინაშე თავს არ დახრის

სკოლებში ქიმიის სწავლება მე-7 კლასიდან დაიწყება, გაიყოფა ქართული ენისა და ლიტერატურის საგანი