შრომის, ჯანმრთელობის და სოციალური დაცვის სამინისტრო მეტროსადგურ „ვარკეთილში“ დაშავებულთა მკურნალობის ხარჯებთან დაკავშირებით განცხადებას ავრცელებს.

როგორც უწყებაში აცხადებენ, მკურნალობის ხარჯები საყოველთაო ჯანდაცვის პროგრამის ფარგლებში სრულად ანაზღაურდა.

მათივე ცნობით, დამატებით მკურნალობის საჭიროების შემთხვევაში, შესაბამისი დოკუმენტაციის წარდგენის შემდეგ ხარჯებს დედაქალაქის მერია დაფარავს.

„მეტროსადგურ „ვარკეთილში“ 30 იანვარს მომხდარი შემთხვევის შედეგად, დაშავებულების მკურანლობის ხარჯები საყოველთაო ჯანდაცვის პროგრამის ფარგლებში დაიფარა. დაზარალებულების ნაწილს ქირურგიული ჩარევა დასჭირდა, ნაწილს კი სამედიცინო მომსახურება ამბულატორიულად გაეწია. მათი მკურნალობის ხარჯები სრულად ანაზღაურდა. ამჟამად ყველა პაციენტი კლინიკებიდან გაწერილია.

დაშავებულთა დამატებითი სამედიცინო მომსახურების ხარჯებს, საჭიროების შემთხვევაში, შესაბამისი დოკუმენტაციის წარდგენის შემდეგ თბილისის მერია დაფარავს.

მეტროსადგურ „ვარკეთილში“ დაშავებული პირები, შრომის, ჯანმრთელობის და სოციალური დაცვის მინისტრმა დავით სერგეენკომ ინციდენტიდან რამდენიმე საათში  პირადად მოინახულა. მინისტრმა იმთავითვე განაცხადა,  რომ მათი სამედიცინო მომსახურების ხარჯები საყოველთაო ჯანდაცვის პროგრამით სრულად დაფინანსდებოდა. პირველივე დღიდან ჯანდაცვის სამინისტროს შესაბამის სამსახურებს მუდმივი კომუნიკაცია ჰქონდათ დაშავებულთა მკურნალ ექიმებთან.

პაციენტთა იდენტიფიცირება და მათი ჯანმრთლებობის მდგომარეობისა თუ  გაწეული სამედიცინო მომსახურების შესახებ ინფორმაცია კონფიდენციალურია“, - ნათქვამია ჯანდაცვის სამინისტროს განცხადებაში.  

ავტორი: ,

სოციალური ქსელები

ნიუ-იორკის სასამართლომ ქართველ ნაცისტს ყასაბის სახელით ცნობილ იხეილ ჩხიკვიშვილს 15 წლით თავისუფლების აღკვეთა მიუსაჯა

მარკეტა გრეგოროვა: „იმედმა“ და სხვა პროსამთავრობო არხებმა ევროპარლამენტის წესები დაარღვიეს

ტროტუარზე დგომის საბაბით ბუკა პეტრიაშვილს 3-დღიანი პატიმრობა შეუფარდეს

საქართველოს ბანკისა და UN Women-ის მხარდაჭერით, „ბაზარი ორბელიანზე“ მეწარმე ქალების პროდუქციის გამოფენა-გაყიდვა გაიმართება