კიევის სააპელაციო სასამართლომ საქართველოს მესამე პრეზიდენტის, მიხეილ სააკაშვილის მიერ სახელმწიფო საიმიგრაციო სამსახურის წინააღმდეგ შეტანილი სარჩელის განხილვა დაიწყო.

სააკაშვილმა სხდომის დაწყებამდე განაცხადა, რომ მას არც ერთი სახელმწიფოს საბუთი არ გააჩნია და უკრაინის ხელისუფლებას ერთადერთი საბუთის წართმევა სურს, რომლითაც მას გადაადგილება შეუძლია.

„უკრაინაში სექტემბერში დავბრუნდი. მას შემდეგ ერთი საბუთი მაქვს, ცნობა, რომლის მეშვეობითაც გადავადგილდები. ეს ერთადერთი საბუთია, რომელიც ადასტურებს, რომ ვარსებობ. არც ერთი სახელმწიფოს პასპორტი არ მაქვს, მაქვს მხოლოდ ქაღალდი, რომელიც ადასტურებს, თუ ვინ ვარ მე. თუმცა, მაგალითად, ნოტარიუსები ამ საბუთს არ იღებენ. ახლა პოროშენკოს სასამართლოს სურს, ჩამომართვას ეს საბუთი. თუ ისინი დღეს გადაწყვეტილებას მიიღებენ, ამ საბუთის გადაგდება შეიძლება და გამოვა, რომ მე არ ვარსებობ. წარმოიდგინეთ, თუ ჩემს შემთხვევაში ყველაფერს აკეთებენ, რომ დოკუმენტალურად გავქრე, რას უზამენ რიგით მოქალაქეებს, ვისაც კამერები არ დაყვება?! პოროშენკო პირად განკარგულებებს იძლევა. უკრაინა უკვე 25 წელია ითმენს და ხალხს თმენის უნარი აღარ აქვს. სიტუაცია უნდა შეიცვალოს. მიუხედავად იმისა, მიიღებენ თუ არა გადაწყვეტილებას,  მიუხედავად იმისა, გამაგდებენ თუ არა ქვეყნიდან, მათ მაინც ბოლო მოეღებათ. ამაში დარწმუნებული ვარ. ის რაც აქ ხდება ეს არ არის სასამართლო, ეს რაღაც სასამართლოს მაგვარია. ამ სასამართლოს მიზანია, გამაქროს ქვეყნიდან", - განაცხადა მიხეილ სააკაშვილმა.

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა