ბათუმის მოვლენებზე მსჯავრდებულ ირაკლი ჩხვირკიას დედა ცისანა როსტობაია პრეზიდენტს შვილის შეწყალების თხოვნით მიმართავს. მან შესაბამისი განცხადება პრეზიდენტის ადმინისტრაციაში უკვე შეიტანა.

„გამოიყენოს პრეზიდენტმა თავისი კონსტიტუციური უფლებები და შევიდეს ჩემს ოჯახურ მდგომარეობაში. ჩემი შვილი არ არის კრიმინალი, ხულიგანი, ნარკომანი და საზოგადოებისთვის საშიში პიროვნება, რომ ციხეში იყოს გამოკეტილი“,-განაცხადა ირაკლი ჩხვირკიას დედამ.

თბილისის საქალაქო სასამართლომ ირაკლი ჩხვირკიას ქმედება დააკვალიფიცირა სისხლის სამართლის კოდექსის 226-ე მუხლით (ჯგუფური მოქმედების ორგანიზება, რომელიც უხეშად არღვევს საზოგადოებრივ წესრიგს ან დაკავშირებულია ხელისუფლების წარმომადგენლების კანონიერი მოთხოვნებისადმი აშკარა დაუმორჩილებლობასთან ან რომელმაც ტრანსპორტის, საწარმოს, დაწესებულების ან ორგანიზაციის მუშაობის შეფერხება გამოიწვია) და  სასჯელის სახედ და ზომად 1 წლით და 6 თვით თავისუფლების აღკვეთა მიუსაჯა.

გამოძიების ინფორმაციით, 2017 წლის 11-12 მარტს, ქალაქ ბათუმში განახორციელდა  ჯგუფური მოქმედების ორგანიზება, რასაც მოჰყვა მასობრივი არეულობა, გზების გადაკეტვა, მოძრაობის შეფერხება, ქალაქის ინფრასტრუქტურის განადგურება და ავტომანქანების დაწვა, ასევე  შეფერხდა სამართალდამცავი ორგანოების მუშაობა.

ავტორი: ,

სოციალური ქსელები

ბოჭორიშვილი: მოსკოვის მექანიზმი პოლიტიკური მიზნებისთვის ამოქმედებული ინსტრუმენტია

„ყველა სექტორში შენელება“ - რუსეთის ეკონომიკამ კვარტალი პირველად ვარდნით დაასრულა

ტრამპმა პუტინს მოუწოდა, უკრაინაში ომი შეეწყვიტოს და თქვა, რომ ის ირანის საზღვაო ბლოკადას ბირთვული შეთანხმების გარეშე არ მოხსნის

ბოჭორიშვილი: მაისში სახელმწიფო დეპარტამენტის წარმომადგენლების ვიზიტი იქნება საქართველოში