თბილისის სააპელაციო სასამართლოში ე.წ. ციანიდის საქმეზე დღევანდელი პროცესი დასრულდა.

დაცვის მხარე სასამართლოს წინაშე დასკვნითი სიტყვით წარსდგა.ადვოკატ მიხეილ რამიშვილის განცხადებით, დასკვნით სიტყვაში ყურადღება გაამახვილეს ფაქტებზე, რომლებიც პირდაპირ უთითებს, რომ საქმეში მამა გიორგი მამალაძის წინააღმდეგ არანაირი მტკიცებულებები არ არსებობს.

"ის, რომ გამოძიება თავიდანვე იყო არაობიექტური, უსამართლო, ხაზი გავუსვით, რომ გარკვეულ ჯგუფს ჰქონდა პირადი ინტერესი მამა გიორგის წინააღმდეგ.შევეხეთ, თუ რამდენად უკანონო იყო ბესიკ ბუგიანიშვილის განაჩენი, რომ იყო აბსოლუტურად სამართლებრივი ჩარჩოდან გასული.მაღალი იერარქიის სასულიერო პირებში მიუღებელი იყო გიორგი მამალაძის ქონების მართვის სამსახურის უფროსის თანამდებობაზე ყოფნა, მიუხედავად ამისა, არ გადადგა ნაბიჯი, რომელიც პატრიარქის ერთგულებას საფრთხეს შეუქმნიდა. გარკვეული პირებისთვის იყო ძალიან მიუღებელი. ეს იყო დაგეგმილი, გარკვეული პირების მიერ ორგანიზებული, ბინძური, ყველანაირი მორალიდან გასული თითქოსდა დანაშაულის აღმოფხვრა, რომელიც ბუნებაში არ არსებობს, დღემდე ვერ დაადგინეს, ვერც დაადგენენ და არც არსებობს ციანიდის გამსაღებელი და იმისგან ვითომ მამა გიორგის შეუძენია ციანიდი",-განაცხადა რამიშვილმა.

იგი იმედოვნებს, მოსამართლეთა კოლეგია ობიექტურ გადაწყვეტილებას მიიღებს და დეკანოზს გაამართლებს:

"ვინედოვნებ, მოსამართლეებს ექნებათ იმის შეგრძნება, რომ ქვეყანაში ერთხელ და სამუდამოდ უნდა მოხდეს მართლმსაჯულების აღსრულება, რიმელსაც ჰქვია სამართლიანობა და არასდროს უნდა ვემონებოდეთ ვინმე პირების ახირებას",-აღნიშნა მიხეილ რამიშვილმა.

რაც შეეხება ბრალდების მხარეს, პროკურორ ზვიად გუბელაძის განცხადებით, დაცვის მხარეს საკუთარ დასკვნით სიტყვაში რაიმე ახალი წარმოუდგენია, რომელიც ეჭვქვეშ დააყენებდა მამა გიორგი მამალაძის მიერ ჩადენილ დანაშაულს.

გუბელაძის თქმით, იმედი აქვთ, სასამართლო გამოიტანს ერთადერთ ობიექტურ, კანონიერ გადაწყვეტილებას და გიორგი მამალაძეს შორენა თეთრუაშვილის ანგარებით განზრახ მკვლელობის მომზადებაში სცნობს დამნაშავედ. პროკურორის განმარტებით, დაცვის მხარემ პირველი ინსტანციის მსგავსად, არგუმენტები ვერც სააპელაციო სასამართლოში წარმოადგინა. სხდომა 7 თებერვალს განახლდება, რა დროსაც სასამართლოს საბოლოო სიტყვით მიმართავს თავად მსჯავრდებული გიორგი მამალაძე. მას ამ უფლებით დღევანდელ პროცესზე უნდა ესარგებლა, თუმცა ვერ მოესწრო. შემდეგ უკვე სასამართლო რეპლიკის ეტაპზე გადავა და მოსამართლეს შეეძლება, განაჩენი გამოაცხადოს.

ავტორი: ,

სოციალური ქსელები

ბოჭორიშვილი: მაისში სახელმწიფო დეპარტამენტის წარმომადგენლების ვიზიტი იქნება საქართველოში

პუტინმა ტრამპს განუცხადა, რომ მზადაა 9 მაისს უკრაინაში დროებითი ცეცხლის შეწყვეტა გამოაცხადოს

თურქეთმა რუსებისთვის ბინადრობის ნებართვის მიღების საფასური თითქმის 15-ჯერ გაზარდა

ბათუმში სამსართულიან საცხოვრებელ სახლში ხანძარია