|
2018-01-29 13:16:03, 1655 ნახვა
საზოგადოება
კახა კალაძე სტუდქალაქის საცხოვრებელი კორპუსების გაზიფიცირების დასრულებულ სამუშაოებს გაეცნო
თბილისის მერი კახა კალაძე დღეს სტუდქალაქის საცხოვრებელი კორპუსების გაზიფიცირების დასრულებულ სამუშაოებს გაეცნო. კორპუსების გაზიფიცირება კომპანია „ყაზტრანსგაზ-თბილისმა“ ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს დაკვეთით განახორციელა. თბილისის მერის თქმით, აღნიშნული დასახლების გაზიფიცირება წინასაარჩევნოდ მისი ერთ-ერთი დაპირება იყო. კახა კალაძის განცხადებით, მიმდინარეობს ასევე, მუშაობა საცხოვრებელი ფართების დაკანონების საკითხზე. „ახლა ვიმყოფებით ბაგებში, სადაც გაზიფიცირების სამუშაოები განხორციელდა. დაახლოებით, 800 ოჯახს ექნება შესაძლებლობა, ბუნებრივი აირით ისარგებლოს. ამჟამად, მიმდინარეობს დაერთების სამუშაოები. დღეის მდგომარეობით, 380 ოჯახია უკვე, ვინც ბუნებრივი აირით სარგებლობს. ძალიან დიდი მადლობა მინდა გადავუხადო „ყაზტრანსგაზს“, ეკონომიკის სამინისტროს, ლტოლვილთა და განსახლების სამინისტროს ამ პროექტის განხორციელებისთვის. ჩვენ ვმუშაობთ ასევე, დაკანონების საკითხზე. პროცესი დაწყებულია და დაახლოებით 100 ოჯახი, რომელიც ლტოლვილი არ არის და აღნიშნულ შენობა-ნაგებობებში ცხოვრობს, ძალიან მალე საცხოვრებელ ფართებს დავუკანონებთ. განაცხადი შემოსულია, მუშაობა დაწყებულია და პროექტი განხორციელდება“, - განაცხადა კახა კალაძემ. დედაქალაქის მერის თქმით, გაზიფიცირების ფარგლებში, უსაფრთხოების მიზნით, დამონტაჟდა სპეციალური გაზის დეტექტორები. გაზის გაჟონვის შემთხვევაში, სისტემა ავტომატურად გაითიშება. აღნიშნულ კორპუსებში გაზიფიცირების სამუშაოები უკვე დასრულებულია. ამჟამად, ბუნებრივი აირის ოჯახებში შეყვანის პროცესი მიმდინარეობს. (NS)
საქართველოს ბანკისა და UN Women-ის მხარდაჭერით, „ბაზარი ორბელიანზე“ მეწარმე ქალების პროდუქციის გამოფენა-გაყიდვა გაიმართება
მადიარმა ორბანის მიერ გამოცხადებული საგანგებო მდგომარეობა გააუქმა
პირველკლასელთა ტერიტორიული პრინციპით რეგისტრაცია 15 მაისს დაიწყება
ტრამპმა სი ძინფინი სექტემბერში თეთრ სახლში მიიწვია
|
რედაქტორის რჩევით
არჩეული პატრიარქის რუსული კავშირები
არჩეული პატრიარქი შიო მესამედ იწოდა, ვინ იყვნენ შიო პირველი და შიო მეორე
ომი უკრაინაში
ზელენსკი: რუსეთმა ბოლო 24 საათის განმავლობაში უკრაინის ქალაქებისა და დაბების წინააღმდეგ 1560-ზე მეტი დრონი გამოიყენა
კიევში დაბომბვის შედეგად, შენობის ნაწილი ჩამოინგრა - ერთი ადამიანი დაიღუპა და 30-ზე მეტი დაშავდა
ვიდეო/LIVE პატრიარქის ილია მეორის დაკრძალვა - პირდაპირი
ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა
დღის თემა
ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას
მთავარი თემა
|





epn.ge (@expressnews.ge)