2018-01-19 14:11:31, 2064 ნახვა
მსოფლიო
თურქეთში ავტოავარიების შედეგად საქართველოს მოქალაქეები არ დაშავებულან
თურქეთში მომხდარი ავტოსაგზაო შემთხვევების შედეგად, საქართველოს მოქალაქეები არ დაშავებულან.
ამის შესახებ „ექსპრესნიუსს“ საქართველოს საგარეო საქმეთა სამინისტროში განუცხადეს.
ძლიერი თოვლისა და უამინდობის გამო, ავარიაში სამი ავტობუსი მოყვა.
ყველაზე მძიმე შემთხვევა თურქეთის აღმოსავლეთ ნაწილში, მუშის პროვინციაში მოხდა, სადაც სამგზავრო ავტობუსი გზის სავალი ნაწილიდან გადავიდა და ხევში გადავარდა. შედეგად 6 ადამიანი დაიღუპა, 24 კი მძიმედ დაშავდა.
ცენტრალურ თურქეთში, კონიას პროვინციაში ავტობუსის გადაბრუნების შედეგად 38 ადამიანი დაშავდა. 7 მგზავრის მგდომარეობა ამ დრომდე მძიმეა.
სივას პროვინციაში დაკრძალვაზე მიმავალი ავტობუსი გადაბრუნდა. შედეგად 17 ადამიანი დაშავდა.
![]()
ავტორი: ,
epn.ge (@expressnews.ge)
