თურქეთში თვითმფრინავი ავარიულად დაეშვა - მგზავრების სიცოცხლეს საფრთხე არ ემუქრება

2018-01-14 14:57:12, 2801 ნახვა

მსოფლიო

თურქეთში, ტრაპიზონის საერთაშორისო აეროპორტში სამგზავრო თვითმფრინავი ავარიულად დაეშვა. ინფორმაციას თურქული გამოცემა dailysabah ავრცელებს.

ბორტზე 162 მგზავრი და ეკიპაჟის ექვსი წევრი იმყოფებოდა. მათ სიცოცხლეს საფრთხე არ ემუქრება.

„პეგასუსის“ კუთვნილი თვითმფრინავი დაშვების შემდეგ ასაფრენ ბილიკს გასცდა და ზღვიდან რამდენიმე მეტრის სიახლოვეს გაჩერდა, რამაც მგზავრებში პანიკა გამოიწვია.

„შიგნით საწვავის სუნი იყო, ამიტომ ვფიქრობდით, რომ თვითმფრინავი ფეთქდებოდა, საბედნიეროდ ეს არ მოხდა“,-განაცხადა ერთ-ერთმა მგზავრმა.

მომხდარის მიზეზი ამ დროისთვის უცნობია.

ტრაპიზონის საერთაშორისო აეროპორტში ინციდენტის გამო შეჩერებული ფრენები განახლდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები