შინაგან საქმეთა მინისტრობის კანდიდატმა გიორგი გახარიამ პარლამენტში, რამდენიმე კომიტეტის გაერთიანებულ სხდომაზე ახალი ინიციატივის შესახებ განაცხადა.

გახარიამ აღნიშნა, რომ შინაგან საქმეთა სამინისტროს უმნიშვნელოვანესი როლი აქვს ტრეფიკინგის, ქალთა მიმართ ძალადობის და ოჯახში ძალადობის, გენდერული ნიშნით, სიძულვილის ასევე ნებისმიერი დისკრიმინაციული მოტივით ჩადენილი დანაშაულის გამოძიებისა და არასრულწლოვანთა მართლმსაჯულების კუთხით.

აღნიშულიდან გამომდინარე მიღებულია გადაწყვეტილება სამინისტროს ცენტრალური აპარატის დონეზე შეიქმნას ახალი სტრუქტურული ერთეული. ახლადშექმნილი დეპარტამენტის ძირითდი ფუნქცია იქნება ადამიანის უფლებების ნაწილის გაძლიერება. ეს დეპარტამენტი იქნება დროებითი სანამ რეფორმა სრულად არ დასრულდება.

შინაგან საქმეთა ახალი მინისტრის ინიციატივასთან დაკავშირებით „ექსპრესნიუსი“ გაეროს ქალთა ორგანიზაციას დაუკავშირდა.

„ძალიან დადებითად შევაფასებთ შინაგან საქმეთა მინისტრის მიერ დღეს გაცხადებულ ინიციატივას - ადამიანის უფლებების დაცვის მიმართულებით ახალი სტრუქტურული ერთეულის ჩამოყალიბების შესახებ. ჩვენ დიდი ხანია შინაგან საქმეთა სამინისტროს ვაძლევდით რეკომენდაციას, მსგავსი ფუნქციით სტრუქურული ერთეულის შექმნის აუცილებლობაზე. მიგვაჩნია, რომ გენდერული ნიშნით ან სიძულვილის მოტივით ჩადენილი დანაშაულის პრევენციისა და სწორი რეაგირების კუთხით უნდა არსებობდეს გაიდლაინები, სტანდარტიზაცია. ძალიან კარგია, თუ ეს სტანდარტები და რეაგირების მექანიზმები ჩამაგრდება ერთ დეპარტამენტში და ნებისმიერ პოლიციელს ეცოდინება როგორ მოიქცეს მსგავსი ფაქტების აღმოჩენის შემთხვევაში. პოლიციელთა რეაგირება გახდება უფრო ხარისხიანი და ეფექტური. ჩვენ ასევე იმედს ვიტოვებთ, რომ მინისტრის განცხადებით  დროებით შექმნილი დეპარტამენტი რეფორმის დასრულების შემდეგაც გააგრძელებს საქმიანობას. მივესალმებით და გვიხარია, რომ შინაგან საქმეთა ახალმა მინისტრმა გაითვალისწინა ჩვენი დიდი ხნის განმავლობაში გაცემული რეკომენდაცია“, - განუცხადა "ექსპრესნიუსს" თამარ საბედაშვილმა (UNWOMWN- გაეროს ქალთა ორგანიზაცია).

ავტორი: ,

სოციალური ქსელები

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი

კობახიძიე ისევ აკრიტიკებს გერმანიას და ევროპაში ყველაზე ძლიერ ქვეყანას კომიკურს უწოდებს