2017 წელს ყველაზე მეტი ჟურნალისტი სირიაში დაიღუპა, - ამის შესახებ საერთაშორისო ორგანიზაციის „რეპორტიორები საზღვრების გარეშე" ყოველწლიურ ანგარიშშია ნათქვამი.

ანგარიშის თანახმად, წელს სირიაში სამსახურეობრივი მოვალეობის დროს 12 ჟურნალისტი დაიღუპა. მეორე ადგილს მექსიკა იკავებს, სადაც 11 ჟურნალისტი მოკლეს. ორგანიზაციაში ხაზს უსვამენ, იმ ფაქტს, რომ მექსიკა სიაში შარშანაც მოხვდა, მიუხედავად იმისა, რომ აქ ომი არ მიმდინარეობს. ანგარიშში ხაზგასმულია, რომ ჟურნალისტებს ნარკო კარტელები იშორებენ, რომელთა უკანონო საქმიანობას მედია ინტენსიურად აშუქებს.

"რეპორტიორების საზღვრების გარეშეს" ანგარიშში ასევე მოხვდნენ:  ერაყი - 9 ჟურნალისტი, ავღანეთი - 8, ინდოეთი - 4, ფილიპინები - 4, სომალი - 4, რუსეთი - 1, მალტა - 1, სამხრეთ სუდანი -1, ჰონდურასი -1, დანია-1, კოლუმბია -1, ბრაზილია -1, ბირმა -1, ბანგლადეში -1.

აღსანიშნავია, რომ დაღუპული 65 ჟურნალისტიდან, 58 საკუთარ ქვეყანაში მოკლეს, ხოლო 7 საზღვარგარეთ, როდესაც ისინი სამსახურეობრივ მოვალეობას ასრულებდნენ.

ავტორი: ,

სოციალური ქსელები

„ოქროს მოსამართლე“ ხახალევა თბილისში ცხოვრობს; რუსეთი მისი აქტივების კონფისკაციას ითხოვს

ყოფილი ცოლი არასრულწლოვანი შვილების თანდასწრებით სცემა, კაცი დააკავეს

პოლონეთის საგარეო უწყება აცხადებს, რომ ეთერში ქართული ტელეარხი გაუშვა დეზინფორმაციასთან საბრძოლველად

CNN: ტრამპი სკეპტიკურად უყურებს ირანის ახალ სამშვიდობო წინადადებას