თურქეთის პრეზიდენტის რეჯეპ ტაიფ ერდოღანის განცხადებით, ოფიციალური ანკარა გაერო-ში ინიციატივებს წარადგენს, რათა იერუსალიმის ისრაელის დედაქალაქად აღიარების თაობაზე ამერიკის „სამარცხვინო“ გადაწყვეტილება გააუქმოს, - ამის შესახებ Anadolu იუწყება.

როგორც ერდოღანმა აღნიშნა, ამერიკის შეერტებული შტატების გადაწყვეტილება იერუსალიმთან დაკავშირებით, ისლამურ მსოფლიოსთან მიმართებაში ფარული გეგმების ერთ-ერთი ნაწილია.

მისივე თქმით, თუ მუსლიმები სათანადო პასუხს არ გასცემენ დონალდ ტრამპის გადაწყვეტილებას, ამას სხვა ნაბიჯები მოჰყვება. მანვე დასძინა, რომ "იერუსალიმი - ისლამური მსოფლიოს ღირსებაა და ამას ალტერნატივა არ აქვს".

„მტკიცედ ვართ განწყობილი ამ საკითხში ჩვენი წვლილი შევიტანოთ. ჩამოვრეცხავთ მათ ჭუჭყს, ვინც საერთაშორისო სამართალს არღვევს. ვიმუშავებთ, რათა ეს უკანონო გადაწყვეტილება გავაუქმოთ, ჯერ გაერო-ს უშიშროების საბჭოში, ხოლო შემდეგ კი, გაერო-ს გენერალურ ასამბლეაში. იერუსალიმი - ეს ის გამოცდაა, რომელიც ყველა მუსლიმმა წარმატებით უნდა ჩააბაროს. მუსლიმები არასოდეს დაემორჩილებიან ამგვარ ორმაგ სტანდარტებს და უსამართლობას, რომელსაც ამერიკა დ ნატო აწარმოებენ. ამჟამად, მსოფლიოს 137 ქვეყანა აღიარებს პალესტინას სახელმწიფოდ და ღმერთის წყალობით, ეს რიცხვი ჩვენი ძალისხმევით გაიზრდება “, - განაცხადა რეჯეპ ტაიფ ერდოღანმა.

ავტორი: ,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს