2015-05-07 17:43:49, 965 ნახვა
სამართალი
გურამ დონაძე: ბუტა რობაქიძეს იარაღი არ ჰქონია
ბუტა რობაქიძის საქმეში ბრალდებულ გურამ დონაძის განცხადებით, სპეცოპერაციის შედეგად გარდაცვლილ ბუტა რობაქიძეს იარაღი არ ჰქონია.
ამის შესახებ დონაძემ ჟურნალისტებს განუცხადა.
მისივე თქმით, მოწმეები ამ ხნის განმავლობაში ამბობდნენ, რომ ბუტა რობაქიძეს იარაღი ჰქონდა.
„საქმეში არც წინა და არც ახლანდელ გამოძიებაში არსად არ წერია, რომ ამირან (ბუტა) რობაქიძეს იარაღი ედო ან გარდაცვალებამდე ან გარდაცვალების შემდეგ. ძალიან გთხოვთ, საზოგადოებას ერთხელ და სამუდამოდ უთხარით სიმართლე , რომ ამირან (ბუტა რობაქიძეს იარაღი არ ჰქონია. ამას მეც ვადასტურებ და გამოძიებაც. სასამართლო და გამოკვლევები დაადგენს ვის რა ჰქონდა“,-განაცხადა გურამ დონაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
