„ევროპული საქართველოს" ლიდერი გიგა ბოკერია, ანტისარაკეტო კომპლექსების საქართველოსთვის გადაცემასთან დაკავშირებით, ამერიკის შეერთებული შტატების გადაწყვეტილებას დადებითად აფასებს.

როგორც ბოკერიამ აღნიშნა,  აღნიშნული გადაწყვეტილება ქვეყნის თავდაცვისუნარიანობის ამაღლებისთვის მნიშვნელოვანია.

"ეს ძალიან დადებითი და ძალიან მნიშვნელოვანი ნაბიჯია, რომელიც ამერიკის მთავრობამ გადადგა. შეგახსენებთ, რომ ეს პროცესი 2011 წელს დაიწყო, როდესაც ამერიკისა და საქართველოს პრეზიდენტები ერთმანეთს შეხვდნენ. ეს ანტისატანკო კომპონენტი იყო თავიდანვე ძალიან მნიშვნელოვანი. ძალიან კარგია, რომ ეს ნაბიჯი გადაიდგა. სამწუხაროა, რომ ჩვენს დღევანდელ მთავრობას არ აქვს ხედვა ქვეყნის შიგნით თავდაცვისუნარიანობის გაძლიერების შესახებ. ეს არის გამოწვევა, მაგრამ ყოველ შემთხვევაში უაღრესად მნიშვნელოვანი გადაწყვეტილებაა საქართველოსთვის", - განაცხადა გიგა ბოკერიამ.

ცნობისთვის, ამერიკის შეერთებული შტატების სახელმწიფო დეპარტამენტმა, საქართველოსთვის Javelin-ის ანტისატანკო სარაკეტო კომპლექსების გადაცემის გადაწყვეტილება მიიღო.

ავტორი: ,

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა