პარლამენტის თავმჯდომარის ირაკლი კობახიძის განცხადებით, ახალი საკონსტიტუციო ცვლილებების საყოველთაო-სახალხო განხილვის კომისია ხუთშაბათს შეიქმნება.

როგორც კობახიძემ აღნიშნა, ხელმოწერების შეგროვება დასრულებულია.

„საქმე ეხება მხოლოდ ოთხ საკითხს, რაზეც  ჩვენ შევთანხმდით  ვენეციის კომისიასთან. საუბარია ბონუსის სისტემის გაუქმებაზე, ბლოკების ერთჯერადად დატოვებაზე, ზუსტდება რწმენის თავისუფლებასთან დაკავშირებული ჩანაწერი  და ასევე ზუსტდება ჩანაწერი, რომელიც  შეეხება საკონსტიტუციო სასამართლოს  უფლებამოსილებებს არჩევნებთან დაკავშირებით. ეს არის ოთხი ცვლილება, რომელიც შევა  კონსტიტუციაში. ამისათვის შეიქმნება  სპეციალური კომისია  მოქმედი კანონმდებლობის თანახმად,  ეს კომისია გააგრძელებს მუშაობას ერთი თვის განმავლობაში  და ამის შემდეგ დაიწყება  საპარლამენტო განხილვები. დეკემბერში გვექნება ორი მოსმენა, მარტში - მესამე მოსმენა. კონსულტაციები კონსტიტუციასთან დაკავშირებით არის დასრულებული, გვაქვს კონკრეტული შეთანხმება ვენეციის კომისიასთან, რომლის აღსრულებასაც უზრუნველყოფს პარლამენტი“,-განაცხადა ირაკლი კობახიძემ.

ავტორი: ,

სოციალური ქსელები

პეტერ ფიშერი შიო III-ს სრულიად საქართველოს კათოლიკოს-პატრიარქად არჩევას ულოცავს

შეიძინე კრიპტო თიბისის მობაილბანკში და მიიღე შანსი, დასაჩუქრდე YE, Kanye West-ის კონცერტის ბილეთებით

არჩეული პატრიარქის რუსული კავშირები

სააკაშვილი პატრიარქ შიო III-ს მოუწოდებს, ხელი შეუწყოს რუსული გავლენებისა და ნარატივების აღმოფხვრას