კვლევის თანახმად, გამოკითხულთა 66% ყველაზე მეტად ევროკავშირს ენდობა, 56% - გაეროს, 54%

2017-10-26 17:44:31, 1911 ნახვა

საზოგადოება

კვლევის თანახმად, გამოკითხულთა 66% ყველაზე მეტად ევროკავშირს ენდობა, 56% - გაეროს, 54% - ნატოს

ევროკავშირის მიერ ჩატარებული საზოგადოებრივი აზრის კვლევის თანახმად, გამოკითხული მოსახლეობის 66% ყველაზე მეტად ევროკავშირის ენდობა.

ამავე კვლევის მიხედვით, ნდობის კუთხით მეორე ადგილს გაერთიანებული ერების ორგანიზაცია (გაერო) იკავებს. მას გამოკითხული მოსახლეობის 56% ენდობა.

აღსანიშნავია, რომ ნდობის თვალსაზრისით მესამე ადგილზე ჩრდილოატლანტიკური ალიანსია (ნატო). ალიანსს გამოკითხულების 54% ენდობა, ხოლო ევრაზიის ეკონომიკურ კავშირს 25% ენდობა.

ცნობისთვის, კვლევები ACT LLC-ის და მათი ქსელური პარტნიორი კომპანიების მიერ ჩატარდა. ყოველწლიური გამოკითხვა აზერბაიჯანში, ბელარუსში, მოლდოვაში, საქართველოში, სომხეთსა და უკრაინაში, 2017 წლის აპრილ-ივნისში, 6 ათასი პირისპირ ჩატარებული ინტერვიუს საშუალებით (ათასი თითოეულ ქვეყანაში) ჩატარდა.

პროექტი ევროკავშირის მიერ არის დაფინანსებული.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები