უკრაინის შსს გუშინ მომხდარ ტერაქტში, რამზან კადიროვის და რუსეთის კვალს ხედავს

2017-10-26 13:00:54, 2169 ნახვა

მსოფლიო

უკრაინის შინაგან საქმეთა მინისტრის მრჩეველი ანტონ გერაშენკო აცხადებს, რომ გუშინ კიევში მომხდარ აფეთქებაში, "რუსეთის სპეცსამსახურების ხელი ურევია", - ამის შესახებ Ria იუწყება.

მედია საშუალების ინფორმაციით, გამოძიება ტერაქტის მუხლით მიმდინარეობს.

"ერთ-ერთი ვერსიით, რუსი სპეცსამსახურების კვალი იკვეთება აღნიშნულ საქმეებში, რადგან მიგვაჩნია, რომ მათ დესტაბილიზაციის მოწყობა სურთ" , - განაცხადა გერაშენკომ.

კიდევ ერთი მრჩევლის ივან ვარჩენკოს თქმით, ტერაქტში შესაძლოა ჩეჩნეთის პრეზიდენტი რამზად კადიროვიც იყოს გარეული.

"ამის ეჭვს ბადებს მისი 2014 წელს გაკეთებული განცხადება", - განაცხადა ვარჩენკომ.

შეგახსენებთ, რომ გუშინ, კიევში ერთ-ერთი ტელეკომპანიის შენობასთან აფეთქება მოხდა, რის შედეგადაც 2 ადამიანი დაიღუპა, 5 კი დაშავდა. დაშავებულებს შორის არიან რადას დეპუტატი და პოლიტოლოგი. თავდასხმის მიზანი, როგორც ირკვევა, სწორედ დეპუტატი იყო.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები