„ქართული ოცნების“ თბილისის მერობის კანდიდატის კახა კალაძის განცხადებით, დედაქალაქის მერიის კარი ყველასთვის ღია იქნება, მათ შორის მისი ოპონენტებისთვის.

კალაძის განმარტებით, თუ ოპოზიციურ კანდიდატებს რაიმე დედაქალაქთან დაკავშირებით რამე კონკრეტული იდეები ექნებათ, ის მზადაა თანამშრომლობისთვის.

"მერიის კარი იქნება ღია თითოეული გულშემატკივრისთვის, ნებისმიერი კონსტრუქციული ძალისთვის და თუნდაც ჩემი ყოფილი კონკურენტებისთვისაც, რომელთაც კონკრეტული რეალისტური იდეები აქვთ და სურთ საკუთარი წვლილი შეიტანონ დედაქალაქის უკეთესი მომავლის მშენებლობაში. თუ მათ გააჩნიათ კონკრეტული ხედვები, იდეები, კონკრეტული პროექტები თბილისთან დაკავშირებით, კიდევ ერთხელ ვამბობ, რომ მზად ვართ მათთან თანამშრომლობისთვის. ჯერ კიდევ სატელევიზიო დებატების დროსაც ძალიან ბევრჯერ განვაცხადე რომ ეს ქალაქი მარტო კახა კალაძის, მარტო "ქართული ოცნების" არ არის. ყველას გვიყვარს და ყველას გვაქვს სურვილი, რომ ხვალინდელი თბილისი იყოს უკეთესი, ლამაზი, კეთილმოწყობილი, ეკოლოგიურად სუფთა და ასე შემდეგ, ყველა ჩემს ოპონენტს, ვისაც სურვილი ექნება სამომავლოდ და წარმოადგენს თავის ხედვას, კონკრეტულ პროექტს თუნდაც ქალაქში განსახორციელებლად და ეს ქალაქისთვის იქნება მისაღები, მე მზად ვარ თანამშრომლობისთვის. ჩვენ ვიყავით ოპონენტები მაგრამ არ ვყოფილვართ მტრები", - განაცხადა კახა კალაძემ.

ავტორი: ,

სოციალური ქსელები

ვაშინგტონმა კიდევ ერთხელ განაცხადა, რომ რუსული ნავთობის წინააღმდეგ სანქციების შემსუბუქებას არ გააგრძელებს

ზელენსკიმ რუსეთსა და უკრაინას შორის მოლაპარაკებების აზერბაიჯანში გამართვა შესთავაზა

მაკრონი: ევროპელებმა უნდა აღიარონ, რომ აშშ, ჩინეთი და რუსეთი ახლა ჩვენს წინააღმდეგ არიან

ზელენსკი აზერბაიჯანში ალიევთან შესახვედრად ჩავიდა