|
2017-10-21 20:50:51, 1901 ნახვა
პოლიტიკა
კახი კალაძე: ვიცოდით, რომ გავიმარჯვებდით, ეს სულისკვეთება საარჩევნო კამპანიის დროს იგრძნობოდა
კახა კალაძემ საარჩევნო დღის დასრულების შემდეგ პირველი კომენტარი გააკეთა. „ქართული ოცნება - დემოკრატიული საქართველოს“ თბილისის მერობის კანდიდატი მხარდამჭერებს და გუნდს მადლობა უხდის და აღნიშნავს, რომ გამარჯვებაში დარწმუნებული იყო. „ძალიან ემოციური დღეა ჩემთვის. ჩვენ მოვისმინეთ წინასწარი შედეგები, თუმცა, პატივი უნდა ვცეთ ცენტრალურ საარჩევნო კომისიას, რომელიც დათვლის ხმებს და ოფიციალურად გამოცხადდება შედეგები. თუმცა, ჩვენ ვიცოდით, რომ გავიმარჯვებდით. ძალიან დიდი მხარდაჭერა იყო, როცა მთელი საარჩევნო კამპანიის პროცესში გვქონდა შეხვედრები. ეს სულისკვეთება იგრძნობოდა ყოველდღიურ რეჟიმში. იგრძნობოდა ის იმედი, რომელიც ჩვენი დედაქალაქის მოსახლეობას ჰქონდა“, - აცხადებს თბილისის მერობის კანდიდატი. მისი თქმით, ერთიანი ძალისხმევაა საჭირო იმისათვის, რომ დედაქალაქის ცხოვრება გაუმჯობესდეს. „ყველაფერი უნდა გავაკეთოთ, რომ ჩვენი დედაქალაქი ხვალ იყოს კიდევ უფრო ლამაზი, კიდევ უფრო მოწესრიგებული, ეკოლოგიურად სუფთა. სადაც ტრანსპორტი იქნება განახლებული, ინფრასტრუქტურა იქნება კეთილმოწყობილი. ასევე ვიზრუნებთ ჯანმრთელობასა და სოციალურ მიმართულებებზე. ხელს შევუწყობთ ახალგაზრდების ჩართულობას ქალაქის განვითარებაში“, - აღნიშნა კახა კალაძემ. თბილისის მერობის კანდიდატმა თანაგუნდელებთან და მხარდამჭერებთან ერთად მადლობა გადაუხადა ოპონენტებსაც, ასევე, იმ ადამიანებს, რომლებიც ჩართულნი იყვნენ საარჩევნო კამპანიაში. „ეს ძალიან დიდი, თავდაუზოგავი შრომა იყო, თუმცა უფრო მეტი გვაქვს გასაკეთებელი და უფრო მეტი შრომა მოგვიწევს. ძალიან ბევრი პრობლემაა, რომელსაც სჭირდება მოგვარება, შესაბამისად, ყოველი დღე იქნება გამარჯვების დღე იმ პრობლემებზე, იმ ტკივილზე და რომელიც დედაქალაქის მოსახლეობას აქვს“, - განაცხადა კახა კალაძემ.
არჩეული პატრიარქი შიო მესამედ იწოდა, ვინ იყვნენ შიო პირველი და შიო მეორე
შიო მუჯირი 22 ხმით სრულიად საქართველოს კათოლიკოს-პატრიარქი გახდა
ISFED: „ქართულმა ოცნებამ“ 2025 წელს ყველა სხვა პარტიაზე მეტი — 26.5 მილიონი ლარი მიიღო
ოლიმპიურმა ჩემპიონმა და ყოფილმა დეპუტატმა ზურაბ ზვიადაურმა საპატიმრო დატოვა
|
რედაქტორის რჩევით
არჩეული პატრიარქი შიო მესამედ იწოდა, ვინ იყვნენ შიო პირველი და შიო მეორე
ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო
ომი უკრაინაში
პუტინს სჯერა რომ უკრაინაში აგრესიულ ომს მალე დაასრულებს და უკრაინის შეიარაღებულ ძალებს გაანადგურებს
რუსების აგრესიის შედეგად, ერთ დღეში უკრაინის სამ რეგიონში თითქმის 20 ადამიანი დაიჭრა
ვიდეო/LIVE პატრიარქის ილია მეორის დაკრძალვა - პირდაპირი
|





epn.ge (@expressnews.ge)