ანა მიქელაძე: მარნეულში საარჩევნო უბნებზე სპეცრაზმი მობილიზებული არ არის

2017-10-21 16:45:51, 1972 ნახვა

კომენტარი

ცენტრალური საარჩევნო კომისია არ ადასტურებს მარნეულში საარჩევნო უბნებზე სპეცრაზმის მობილიზებას.

როგორც ცესკო-ს სპიკერმა ანა მიქელაძემ განაცხადა, საარჩევნო ადმინისტრაციის უფლებამოსილებიდან გამომდინარე, არ ფლობენ ინფორმაციას, თუ რა ვითარებაა უბნის გარეთ:

„მარნეულში საარჩევნო უბნებზე არ არის სპეცრაზმი მობილიზებული, რაც შეეხება საარჩევნო უბნის გარე პერიმეტრს, ამასთან დაკავშირებით ჩვენი უფლებამოსილებიდან გამომდინარე, არ ვფლობთ ინფორმაციას“,-განაცხადა ანა მიქელაძემ საინფორმაციო ბრიფინგზე.

ამასთან, ანა მიქელაძემ ისაუბრა ხობის საარჩევნო ოლქში არსებულ პროცედურულ ხარვეზზე:

„ხობის საარჩევნო ოლქში # 31-ე საარჩევნო უბანზე ბიულეტენების შეკვრაში, რომელიც აკინძულია 50 ცალად, აღმოჩნდა 1 ცალი სხვა ოლქის ბიულეტენი, კონკრეტულად ზუგდიდის # 31 საარჩევნო ოლქის 1 ბიულეტენი. სავარაუდოდ, სტამბის მიერ დაშვებული შეცდომაა. კომისიამ შეადგინა ოქმი. აღნიშნული ბიულეტენი არ ყოფილა გამოყენებული საარჩევნო ოლქის მიერ“,-აღნიშნა ანა მიქელაძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები