2015-05-02 14:19:23, 359 ნახვა
პოლიტიკა
პარლამენტის თავმჯდომარემ მთავრობის ადმინისტრაცია უკომენტაროდ დატოვა
საქართველოს პარლამენტის თავმჯდომარემ დავით უსუფაშვილმა მთავრობის ადმინისტრაცია უკომენტაროდ დატოვა.
როგორც ადგილიდან „ექსპრესნიუსის" კორესპონდენტი იუწყება, უსუფაშვილი ადმინისტრაციის შენობაში დაახლოებით ერთი საათის განმავლობაში იმყოფებოდა. მან სავარაუდოდ ირაკლი ღარიბაშვილთან გამართა შეხვედრა.
გავრცელებული ინფორმაციით, მთავრობის ადმინისტრაციაში პრემიერ-მინისტრს თავდაცვის მინისტრის პოსტზე წარდგენილი თინა ხიდაშელი უნდა შეხვდეს, თუმცა იგი ჯერჯერობით მთავრობის ადმინისტრაციაში არ მისულა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
