11 ოქტომბერი გოგონათა საერთაშორისო დღეა. ამ თარიღთან დაკავშირებით, იუსტიციის სამინისტროს სსიპ „დანაშაულის პრევენციის ცენტრის“ გოგონათა კლუბის გასვლითი შეხვედრა გაიმართა.

ცენტრის დირექტორმა თათია ხოჭოლავამ კლუბის წევრებს ნოდარ დუმბაძის სახელობის ბავშვთა ქალაქ „მზიურში“ უმასპინძლა და საკუთარი გამოცდილება გაუზიარა. 

სასაუბრო თემები შეეხებოდა ცხოვრებისეული მიზნების ჩამოყალიბებას და ამ პროცესში საკუთარი შესაძლებლობების უკეთ გააზრებას. თათია ხოჭოლავამ კლუბის წევრებს უამბო იმ სირთულეების დაძლევის შესახებ, რომლების წინაშეც შესაძლოა გოგონები ასაკიდან გამომდინარე აღმოჩნდნენ.
გასვლით შეხვედრას სახელმწიფო ზრუნვის სისტემის და სხვადასხვა ტრანზიტული ცენტრის ბენეფიციარი გოგონები, ასევე კლუბის მეგობრები დაესწრნენ. სპეციალურად ამ დღისთვის შექმნილ ფორმატზე გოგონებმა საკუთარი სურვილებიც დაწერეს.

გოგონათა საერთაშორისო დღე გაეროს გადაწყვეტილებით 2011 წლიდან აღინიშნება და მისი მიზანია გოგონათა უფლებების დაცვა/აღიარება, გოგონების განათლების მიღების ხელშეწყობა,  საზოგადოებრივი ცნობიერების ამაღლება იმ საკითხებზე, რომლებსაც გოგონები ყოველდღიურად აწყდებიან.  2017 წლის თემაა - „პრობლემებზე გადაუდებელი რეაგირება და მდგრადობის შენარჩუნება”.

„გოგონათა კლუბი“ სსიპ „დანაშაულის პრევენციის ცენტრის" ერთ-ერთი პროგრამაა, რომელიც მედიაციის სახლში 2015 წლიდან მიმდინარეობს. მედიაციის სახლში მოზარდისადმი კეთილგანწყობილი სივრცეა შექმნილი და ეხმარება ბენეფიციარს თავისუფალი დრო ნაყოფიერად, საინტერესოდ გაატაროს.

მედიაციის სახლში იმართება სამიზნე ჯგუფების საჭიროებებზე მორგებული ტრენინგები, საგანმანათლებლო სემინარები და შეხვედრები წარმატებულ ქალებთან. გოგონების გაძლიერებაზე ზრუნვა მედიაციის სახლის ერთ-ერთი პრიორიტეტია. 

(NS)

ავტორი: ,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება