კატალონიის მხრიდან დამოუკიდებლობის ცალმხრივად გამოცხადების შემთხვევაში, საფრანგეთი მის აღიარებაზე უარს იტყვის, - ამის შესახებ საფრანგეთის მინისტრმა ევროპულ საკითხებში ნატალი ლუაზომ განაცხადა, - ინფორმაციას DW ავრცელებს.

როგორც ლუაზომ განმარტა, კატალონიის დამოუკიდებლობის შესახებ რეფერენდუმის შედეგებს, რომელიც ევროკავშირმა უკანონოდ სცნო, რეგიონის სტატუსის განსაზღვრა არ შეუძლია.

"კრიზისი დიალოგის მეშვეობით უნდა დარეგულირდეს, რომელიც ორივე მხარემ უნდა აწარმოოს", - დასძინა მინისტრმა.

მანვე აღნიშნა, რომ თუ კატალონია დამოუკიდებლობას მაინც გამოაცხადებს, ის ევროკავშირიდან მაშინვე უნდა გავიდეს.

ცნობისთვის, ხვალ, 10 ოქტომბერს, კატალონიის მეთაური კარლეს პუჩდემონი ავტონომიური რეგიონის პარლამენტში სიტყვით გამოვა, სადაც დამოუკიდებლობის შესახებ განცხადებას გააკეთებს.

ამასთან, ესპანეთის პრემიერ-მინისტრის მარიანო რახოის თქმით, აღნიშნულ საკითხში მადრიდი კომპრომისზე წასვლას არ აპირებს.

"ესპანეთი არ იქნება დაყოფილი და ეროვნული ერთობა იქნება შენარჩუნებული. ყველაფერს გავაკეთებთ, რისი გაკეთების საშუალებაც გვექნება კანონის ფარგლებში, რომ ერთიანობის გარანტია გვქონდეს", - განაცხადა რახოიმ.

შეგახსენებთ, რომ კატალონიაში ე.წ. რეფერენდუმი კვირას, 1 ოქტომბერს ჩატარდა. მასში მონაწილეობა 2 მილიონზე მეტმა ადამიანმა მიიღო. წინასწარი მონაცემებით, ესპანეთიდან გამოყოფას ამომრჩევლების 90%-მა დაუჭირა მხარი. ამასთან, ე.წ. რეფერენდუმი დაძაბულ ვითარებაში, შეტაკებების ფონზე წარიმართა. მომხდარი შეტაკების შედეგად, დაშავებულთა რიცხვი 893 შეადგენს, მათ შორის არიან სამართალდამცველებიც. კატალონიის რეგიონალურმა ხელისუფლებამ 2,300 საარჩევნო უბნის გახსნა მოახერხა, საიდანაც პოლიციამ 400-მდე საარჩევნო უბანი დახურა. ოფიციალური მადრიდი, ისევე როგორც ევროკავშირი პლებისციტს არ აღიარებენ და არაკანონიერს უწოდებენ.

ავტორი: ,

სოციალური ქსელები

ირანმა რუსი უმდიდრესი ოლიგარქის იახტას ჰორმუზის სრუტის გავლით ნება დართო

რუსეთის არმიაში საკვების დეფიციტის ფონზე კანიბალიზმის შემთხვევები დაფიქსირდა - The Sunday Times

კობახიძე - ყველა პარამეტრით ვუსწრებთ უკრაინას და მოლდოვას

ზურაბიშვილი ქართველი მებრძოლების ჩამოსვენებაზე - საპატიო ყარაული არ არის, დიდი სირცხვილია