2017-10-05 15:29:55, 2529 ნახვა
მსოფლიო
თურქეთში აშშ-ის გენერალური საკონსულოს თანამშრომელი დააკავეს
თურქეთის ქალაქ სტამბოლში ქვეყნის უსაფრთხოების ძალებმა ამერიკის შეერთებული შტატების გენერალური საკონსულოს თანამშრომელი მეტინ თოფუზი დააკავეს, - ამის შესახებ Anadolu იუწყება.
მედია საშუალების ინფორმაციით, თოფუზი ფეთჰულა გიულენის ორგანიზაცია FETO-სთან კავშირშია ეჭვმიტანილი.
მედიის ცნობით, კონსტიტუციის დარღვევაში, შპიონაჟში და მთავრობის ძალისმიერი გზით გადაყენების მცდელობაში ადანაშაულებენ.
ამასთან, გამოძიებით დადგინდა, რომ თოფუზი ასევე პოლიციის იმ ხელმძღვანელებთან იყო კავშირში, რომლებიც 2013 წელს ხელისუფლების მაღალ ეშელონებში კორუფციის არსებობას იძიებდნენ.
![]()
ავტორი: ,
epn.ge (@expressnews.ge)
