კატალონიის მეთაურის კარლეს პუჩდემონის განცხადებით, მას დამოუკიდებლობის შესახებ რეფერენდუმის ორგანიზების გამო დაჭერის არ ეშინია, - ამის შესახებ BBC იუწყება.

როგორც პუჩდემონმა აღნიშნა, ის არ გამორიცხავს, რომ ოფიციალური მადრიდი მისი დაკავების განკარგულებას გასცემს.

„პირადად მე არ მეშინია და ესპანეთის მთავრობისგან უკვე აღარაფერი მიკვირს. ჩემი დაპატიმრებაც აბსოლუტურად შესაძლებელია, რაც იქნება ბარბაროსული ნაბიჯი“, - განაცხადა კარლეს პუიჩდემონმა გერმანულ გამოცემა „ბილდთან“ ინტერვიუში.

ცნობისთვის, კატალონიის მეთაურის კარლეს პუჩდემონის განცხადებით, რეგიონის დამოუკიდებლობას რამდენიმე დღეში გამოაცხადებს.

შეგახსენებთ, რომ კატალონიაში ე.წ. რეფერენდუმი კვირას, 1 ოქტომბერს ჩატარდა. მასში მონაწილეობა 2 მილიონზე მეტმა ადამიანმა მიიღო. წინასწარი მონაცემებით, ესპანეთიდან გამოყოფას ამომრჩევლების 90%-მა დაუჭირა მხარი. ამასთან, ე.წ. რეფერენდუმი დაძაბულ ვითარებაში, შეტაკებების ფონზე წარიმართა. მომხდარი შეტაკების შედეგად, დაშავებულთა რიცხვი 893 შეადგენს, მათ შორის არიან სამართალდამცველებიც. კატალონიის რეგიონალურმა ხელისუფლებამ 2,300 საარჩევნო უბნის გახსნა მოახერხა, საიდანაც პოლიციამ 400-მდე საარჩევნო უბანი დახურა. ოფიციალური მადრიდი, ისევე როგორც ევროკავშირი პლებისციტს არ აღიარებენ და არაკანონიერს უწოდებენ.

ავტორი: ,

სოციალური ქსელები

კობახიძე თელავის სტიქიაზე - ნებართვები არასწორად იყო გაცემული. ასე მიმაჩნია, თუმცა შევისწავლით

აქტივისტ ისაკო დევიძეს საპროცესო შეთანხმება გაუფორმდა - ის საპატიმროს 6 თვეში დატოვებს

14-16 ივლისს საქართველოში მოსალოდნელია მაღალი ტემპერატურის ფონზე დროგამოშვებით ნალექიანი ამინდი

კობახიძე - ქვეყანა იმართება ეფექტიანად, მათ შორის ეკონომიკური თვალსაზრისით