ამერიკის შეერთებული შტატების ხელისუფლებამ 15 კუბელი დიპლომატი ქვეყნიდან გააძევა, - ამის შესახებ ქვეყნის სახელმწიფო მდივანმა რექს ტილერსონმა განაცხადა.

როგორც Reuters-ი იუწყება, ოფიციალურმა ვაშინგტონმა შესაბამისი გადაწყვეტილება, ამერიკელ დიპლომატებზე სავარაუდოდ განხორციელებული "აკუსტიკური თავდასხმების" გამო მიიღო.

თეთრ სახლში მიიჩნევენ, რომ კუბა აღნიშნულ საკითხს საფუძვლიანად არ იძიებს. კუბელმა დიპლომატებმა აშშ კვირის ბოლომდე უნდა დატოვონ.

ცნობისთვის, სექტემბერში ხუთმა რესპუბლიკელმა სენატორმა რექს ტილერსონს მიმართა და ყველა კუბელი დიპლომატის ქვეყნიდან გაძევება მოითხოვა. მათი შეფასებით, ისინი პერსონა ნონ გრატად უნდა გამოაცხადონ. ასეთი ზომები "აკუსტიკური თავდასხმების" საპასუხოდ მიიღეს, რომელიც სავარაუდოდ აგვისტოში კუბაში ამერიკელი დიპლომატიური მისიის თანამშრომლების მიმართ განხორციელდა. აშშ-ში აცხადებენ, რომ თავდასხმების შედეგად, სულ მცირე 16 დიპლომატი დაშავდა. კერძოდ კი, მათ ნერვული სისტემის განვითარების პრობლემები აღენიშნებათ.

ავტორი: ,

სოციალური ქსელები

კობახიძე თელავის სტიქიაზე - ნებართვები არასწორად იყო გაცემული. ასე მიმაჩნია, თუმცა შევისწავლით

აქტივისტ ისაკო დევიძეს საპროცესო შეთანხმება გაუფორმდა - ის საპატიმროს 6 თვეში დატოვებს

14-16 ივლისს საქართველოში მოსალოდნელია მაღალი ტემპერატურის ფონზე დროგამოშვებით ნალექიანი ამინდი

კობახიძე - ქვეყანა იმართება ეფექტიანად, მათ შორის ეკონომიკური თვალსაზრისით