ბაქოში სექსუალური უმცირესობების წარმომადგენლების წინააღმდეგ რეიდები ჩატარდა, - ამის შესახებ BBC იუწყება.

როგორც ერთ-ერთი ლგბტ აქტივისტი ფარიდი მედიასთან საუბარში ჰყვება, მასობრივი დაპატიმრებები დაახლოებით 10 დღის წინ დაიწყო.

მისივე თქმით, რამდენიმე საათის განმავლობაში, სამართალდამცველებმა ათობით პირი დააკავეს, ზოგიერთი მათგანი ქრთამის სანაცვლოდ მალევე გაათავისუფლეს.

უფლებადამცველების მონაცემებით, სულ 100-მდე ადამიანია დაკავებული. ფარიდის ცნობით, ლგბტ თემის წარმომადგენლებს სამართალდამცველები მოუწოდებდნენ საზოგადოების თავშეყრის ადგილებში გასვლისგან თავი შეიკავონ.

თემის ერთ-ერთი წარმომადგენლის თქმით, ის საკუთარ სახლში დააკავეს და 4 დღის განმავლობაში პოლიციის განყოფილებაში მდებარე სარდაფში ჰყავდათ გამოკეტილი. მისივე ინფომრაციით, მას აიძულებდნენ თემის სხვა წარმომადგენლები "ჩაეშვა".

ამასთან, აზერბაიჯანის შინაგან საქმეთა სამინისტროს პრესსამსახურის ხელმძღვანელი ეხსან ზახიდოვი რეიდის ჩატარებას ადასტურებს. მაგრამ, ქრთამის აღებასთან დაკავშირებით გავრცელებულ ინფორმაციას კატეგორიულად უარყოფს. მისივე განმარტებით, დაკავებები ბაქოს მცხოვრებლების საჩივრების საფუძველზე მოხდა.

ავტორი: ,

სოციალური ქსელები

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times

ევროკავშირმა VK-სა და Max Messenger-ის წინააღმდეგ სანქციები დააწესა

ფოთი - ჭადრაკის ქალაქი საქართველოს ბანკი ფოთის საჭადრაკო კლუბის მთავარი მხარდამჭერია

საქართველოს ბანკის ივლისის PLUS შეთავაზებები - დააგროვეთ მეტი PLUS ქულა ყოველდღიურ გადახდებზე