საქართვლოს სპორტისა და ახალგაზრდობის უკვე ყოფილმა მინისტრმა ლევან ყიფიანმა გადადგომის მიზეზები განმარტა.

ყიფიანი მას ბოლო პერიოდში  სპორტის კომიტეტის წევრების მიერ მის წინააღმდეგ გამოთქმულ ბრალდბებსა და კრიტიკას უკავშირებს.

ყიფიანის განცხადებით, ამ ადამიანებმა  ზღვარს გადააბიჯეს. ლევან ყიფიანი სპორტის კომიტეტის წევრებს მიმართავს, პირადი ინტერესები გვერდზე გადადონ და პროვოკაციებზე სახელმიწფოს სახელით არ წავიდნენ.

"ბევრი დანაპირები, რომელიც განვაცხადეთ,  ჩვენ შევასრულეთ. მაგრამ ის, რაც ხდებოდა ბოლო  რამოდენიმე თვის განმავლობაში, ჩემთვის აბსოლუტურად მიუღებელია, რადგან ამ ადამიანებმა გადააბიჯეს სინდისს და ნამუსს.მე მივმართავ, ნუ წავლენ პროვოკაციაზე სახელმწიფოს სახელით, გადადონ ყველაეფრი გვერდზე და ქართველ ხალხს მისცენ ის, რასაც დაპირდნენ. ეს არის ჩემი გადადგომის მიზეზი, რომ ეს პრობლემა არ გამწვავდეს, არ გადავიდეს იმ ზღვარს, რომელიც, მე ვფიქრობ, უკვე გადასულია.ვრცელ წერილში მივმართავ პრემიერს,  იქ ყველა კითხვაზეა გაცემული პასუხი, ყველა იმ ადამიანზე, ვინც ეს შეკითხვები დასვა,  ყველა ის ტყუილი, რომელიც იქნა ჩემთნა მიმართებაში გაჟღერებული და  ჩემი გუნდის წევრებისა და  ამინისტროს წინააღმდეგ.  არმინდა  გავხდე რაღაც სპეკულაციის ნაწილი და შესაბამისად, ვტოვებ ჩემს თანამდებობას. იმედია, საზოგადოება სწორად გაიგებს ამ გადაწყვეტილებას",-განაცხადა ლევან ყიფიანმა.

მისივე განმარტებით, საქმიანობას სპორტის სფეროში გააგრძელებს. ყიფიანი არ გამორიცხავს, ოლიმპიური კომიტეტის არჩევნებისთვის მოემზადოს.

"მე სპორტში ვარ და სპორტში ვიქნები და  ყველა დასმულ მწვავე კითხვაზე მზად ვარ, პასუხი გავცე. პასუხი გავეცი კიდევაც. გავაგრძლეებ იმ მოღვაწეობას, რა მოღვაწეობითაც აქამდე მოვედი. სუფთა რეპუტაციით, სუფთა ხელებით, გახსნილი გულით და ერთიანი ძალისხმებით. მინდა,  დიდი მადლობა გადავუხადო ჩემს გუნდს. ვთხოვ პრემიერს და იმ ახალ მინისტრს, რომელიც მოვა სამინისტროში, რომ შეინარჩუნოს ის კურსი, რომელიც  დაისახა მიზნად სამინისტრომ ამ მოკლე ხანში და არაფრის დიდებით ნუ იქნება უკან დაბრუნების მცდელობა. ამიტომ, მე ვაფრთხილებ ყველას,  ნუ დაბრუნდებით უკან,  რაზეც ჩვენ უარი ვთქვით რამოდენიმე წლის წინ. მე არსად არ მივდივარ, სპორტულ მუშაობას  ვაგრძელებ, შეიძლება ოლიმპიური კომიტეტის არჩევნებისთვის მოვემზადო",-განაცხადა ლევან ყიფიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი