ევროკავშირი-საქართველოს საპარლამენტო ასოცირების კომიტეტის თანათავმჯდომარის, საჯად კარიმის განცხადებით, ევროპარლამენტში ოკუპირებული სამხრეთ-ოსეთის დე ფაქტო პრეზიდენტის გამოსვლა არ იგეგმება.

ამის შესახებ მან პარლამენტში გამართულ პრეს-ბრიფინგზე განაცხადა.

„საქართველოს ტერიტორიულ მთლიანობას და სუვერენიტეტს მხარს ვუჭერთ და ამას ყოველთვის ცალსახად ვაცხადებთ. აღნიშნული საკითხის შესახებ მიმდინარე განხილვის დროს შევიტყეთ. ამ ეტაპზე მხოლოდ ის შემიძლია გითხრათ, რომ ევროპარლამენტში საქმიანობა არის ევროპარლამენტის წევრების და არა ყოფილი წევრების უფლებამოსილება. არანაირი ინფორმაცია არა გვაქვს, რომ ევროპარლამენტის მოქმედი წევრის მიერ ასეთი რამ იყოს დაგეგმილი. არ მინდა უხეში ვიყო, მაგრამ ამას ვიტყვი - ყოფილი პარლამენტარები, ალბათ, იმიტომ არიან ყოფილები, რომ ამას იმსახურებენ“, - განაცხადა საჯად კარიმმა.

შეგახსენებთ, ევროპარლამენტის ყოფილმა დეპუტატმა ჯუზეპე ჯულიეტო კიეზამ განაცხადა, რომ სამხრეთ ოსეთის „პრეზიდენტის” ევროპარლამენტში გამოსვლის ორგანიზებას გეგმავს.

ავტორი: ,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება