არჩილ ხანდამაშვილი: კარდენახი ტურისტებისთვის სავიზიტო ბარათად უნდა ვაქციოთ

2017-09-14 23:27:06, 2433 ნახვა

საზოგადოება

„ქართული ოცნება-დემოკრატიული საქართველოს“ გურჯაანის მერობის კანდიდატი არჩილ ხანდამაშვილი ქ.გურჯაანის აგრარული და ტანსაცმლის ბაზრისა და სოფელ კარდენახის მოსახლეობას შეხვდა, რამდენიმე საოჯახო ტიპის მარანსა და ღვინის ქარხანას ესტუმრა.

მერობის კანდიდატმა კარდენახელების პრობლემები მოისმინა. ამასთან, მათ სამომავლო გეგმები, მიმდინარე და დაგეგმილი სიახლეები გააცნო.

„კარდენახს უდიდესი პოტენციალი აქვს მუნიციპალიტეტში საგანმანათლებლო და ტურისტული ცენტრი გახდეს. ჩვენ ერთად უნდა ვიმუშაოდ ამ პოტენციალის სრულად ასათვისებლად,“- აღნიშნა არჩილ ხანდამაშვილმა.

მოსახლეობის აზრით, როდესაც მერობის კანდიდატი სტუმრობს თითოეული სოფელს მათი პრობლემების მოსასმენად, ეს ნიშნავს, რომ პირადად საზოგადოებისგან მოისმენს ყველა იმ საკითხს, რაც აწუხებს ხალხს.

„სასიხარულოა, როდესაც მერობის კანდიდატი პირადად ეცნობა სოფლებში არსებულ პრობლემებს და მოსახლეობასთან აქტიურ კომუნიკაციას ამყარებს. იმედს ვიტოვებ, რომ შეხვედრის ეს ფორმა ტრადიციულ სახეს მიიღებს,“ - აღნიშნა კარდენახელმა ქეთევან ხარაიშვილმა.