ევროპული საქართველო "ქართული ოცნების" მიერ შეთავაზებულ შეხვედრაში მონაწილეობას მიიღებს.

“ევროპული საქართველოს“ წევრის, სერგი კაპანაძის თქმით, პარტია მმართველ გუნდს პლებისციტის ჩატარებას სთავაზობს.

"ევროპული საქართველო ბუნებრივია მზად არის დიალოგზე და კონსულტაციებზე, რასაც დიდი ხანია ვამბობთ. ამას ამბობოს ვენეციის კომისია, რომელმაც ხაზი გაუსვა, რომ პოლიტიკური კონსენსუსი იყო უაღრესად მნიშვნელოვანი კონსტიტუციის შესათანხმებლად. შესაბამისად  მივიღეთ მონაწილეობა მთელ ამ პროცესში. დაწყებული საკონსტიტუციო კომისიით, საპარლამენტო განხილვებით დამთავრებული. ჩვენ ახლაც მზად ვართ, რომ მათთან ერთად განვიხილოთ მნიშვნელოვანი საკითხები. ოღონდ უნდა გვახსოვდეს რა არის ეს მნიშვნელოვანი საკითხები და რაზე არის საზოგადოებრივი დაკვეთა დიალოგთან დაკავშირებით. ეს არის პროპორციული საარჩევნო სისტემა, რომელიც ფუნდამენტურად მნიშვნელოვანია, რომ მყისიერად შევიდეს ძალაში. ეს არის ამ სისტემასთან დაკავშირებით სხვადასხვა დეტალები და მათ შორის ყველაზე მნიშვნელოვანი არის გაუნაწილებელი მანდატების საკითხი. ჩვენ ვთავაზობთ ქართულ ოცნებას, რომ ნებისმიერი ევროპული მოდელი რომელიც მოქმედებს, მათ შორის დონტის მოდელი, ვებსტერის თუ სხვა მოდელები იყოს განხილული. ასევე მზად ვართ, რომ განვიხილოთ ნებისმიერი სხვა საკითხი, იგივე ბარიერის თემა, ბლოკების გაშვების თემა რაც დღეს არსებობს და მესამე - ერთერთი ყველაზე მნიშვნელოვანი  პრეზიდენის არჩევნები საკითხი. ჩვენი პოზიცია არის, რომ დარჩეს პირდაპირი საყოველთაო არჩევნები პრეზიდენტის. თუმცა გვესმის რა, რომ ქართული ოცნება არის განსხვავებულ, რადიკალურ პოზიციაზე, ჩვენ მათ ვთავაზობთ, რომ ჩატარდეს პლებისციტი. ხალხს დავეკითხოთ და რასაც ხალხი იტყვის ის იყოს საბოლოო შეთანხმება", - განაცხადა სერგო კაპანაძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება