გიორგი ანწუხელიძის სახელობის სერჟანტთა მომზადების ცენტრში სერჟანტთა ათეულის მეთაურის ძირითადი სასწავლო კურსი დასრულდა.

თავდაცვის სამინისტროს ინფორმაციით, კურსის  გამოშვების საზეიმო  ცერემონიალი დღეს, სერჟანტთა მომზადების ცენტრის ტერიტორიაზე  გაიმართა. 

სამხედრო მოსამსახურეებს კურსის წარმატებით დასრულება წვრთნებისა და სამხედრო განათლების სარდალმა, პოლკოვნიკმა ლევან ბერიამ მიულოცა და სამომავლო საქმიანობაში წარმატებები უსურვა. კურსდამთავრებულებს სწავლების დასრულების დამადასტურებელი სერთიფიკატები გადაეცათ.

სამხედრო მოსამსახურეებმა გადამზადება 12 კვირის განმავლობაში ორ ფაზად გაიარეს. სწავლების პირველი ნაწილი საცეცხლე და სამწყობრო მომზადებას ითვალისწინებდა. კურსის მეორე ნაწილი კი სამეთაურო მომზადებასა და ათეულის დონეზე საბრძოლო ვარჯიშებს დაეთმო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინის პასუხის შემდეგ, ზელენსკიმ რუსეთის მხრიდან საომარი მოქმედებების შეწყვეტის სურვილის არქონაზე მიუთითა და სანქციების გამკაცრებისკენ მოუწოდა

აზოვის ზღვაში დრონის თავდასხმის შედეგად ხუთი აზერბაიჯანელი მეზღვაური დაიღუპა

კოლებში მობილურების გამოყენების წესი დამტკიცდა

ლავროვი: საქართველოს ხელმძღვანელობას ევროკავშირში გაწევრიანების უარყოფითი მხარეები ესმის