სასჯელაღსრულებისა და პრობაციის მინისტრმა გიორგი მღებრიშვილმა პენიტენციური ჯანდაცვის სტანდარტი დაამტკიცა.

სტანდარტში ის სავალდებულო მომსახურებებია გაწერილი, რომელსაც სახელმწიფო პატიმრობაში მყოფ პირს მიაწვდის.

როგორც ჟურნალისტებთან საუბრისას, სასჯელაღსრულებისა და  პრობაციის მინისტრის მოადგილემ ბესო დევდარიანმა აღნიშნა, ეს არის ახალი ევროპული, უფრო დახვეწილი ტიპის სისტემა.

„ეს სისტემა ადრეც ფუნქციონირებდა, ეს იყო ძალიან ეფექტურად მომუშავე სისტემა, მაგრამ საჭირო  არის ახალი ევროპული, უფრო დახვეწილი სისტემის  შექმნა იმისათვის, რომ  სტანდარტი უფრო მაღალი იყოს. პატიმარმა მიიღოს ის, რაც მას ეკუთვნის. ეს ყველაფერი ზუსტად ამ სტრატეგიით განისაზღვრა და დამტკიცდა ამ დოკუმენტით. პატიმარი მიიღებს ყველაზე მაღალი სტანდარტის სერვისს, მას ეცოდინება რა სჭირდება, რა უნდა გაუკეთდეს, შემდგე ჩაუტარდება აბსოლუტურად თავიდან ბოლომდე მკურნალობა. მიიღებს მედიკამენტებს, რომელიც მინისტრის ბრძანებით უფასო იქნება“,-განაცხადა ბესო დევდარიანმა.

უწყების ინფორმაციით, მოცემული სტანდარტით, დაწესებულებაში მოხვედრამდე ბრალდებული და მსჯავრდებული პირები სრულ სამედიცინო შემოწმებას გაივლიან.

მათი ინდივიდუალური რისკების შეფასების საფუძველზე, დაიგეგმება რუტინული პრევენციული/სკრინინგული გამოკვლევები არაგადამდებ და გადამდებ დაავადებებზე.

სასჯელაღსრულების დაწესებულებაში მოხვედრისთანავე პირს შეეთავაზება კონსულტაცია და შესაბამისი სამედიცინო გამოკვლევები  შემდეგი გადამდები დაავადებების გამოსავლენად: აივ-ინფექცია/შიდსი, B , C ჰეპატიტი და ათაშანგი.

პენიტენციური ჯანდაცვის სტანდარტის დამტკიცება მნიშვნელოვნად გააუმჯობესებს ბრალდებულთა/მსჯავრდებულთა უფლებრივ მდგომარეობას და შესაბამისად, მისცემს მათ შესაძლებლობას უკეთ დაიცვან თავიანთი უფლებები ჯანდაცვის სფეროში.

მათივე ინფორმაციით, სტანდარტის დოკუმენტი საქართველოს პრობაციისა და სასჯელაღსრულების სამინისტროსა და ევროკავშირის და ევროპის საბჭოს ერთობლივი პროგრამის „ადამიანის უფლებები ციხეებსა და დახურული ტიპის სხვა დაწესებულებებში“ თანამშრომლობის ფარგლებში ევროპის საბჭოს ექსპერტებთან ერთად შემუშავდა და მასში სრულადაა ასახული ჯანდაცვის მსოფლიო ორგანიზაციისა და წითელი ჯვრის კომიტეტის რეკომენდაციები.

ამასთან, აღსანიშნავია, რომ პენიტენციური ჯანდაცვის სტანდარტთან ერთად მინისტრმა გიორგი მღებრიშვილმა საბაზისო მედიკამენტების გაუმჯობესებული ნუსხაც დაამტკიცა, მოცემული დოკუმენტით იმ მედიკამენტების ჩამონათვალი განისაზღვრა, რომლითაც საჭიროების შემთხვევაში, პატიმრები სახელმწიფოს ხარჯზე იქნებიან უზრუნველყოფილნი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძემ მოიტყუა როცა თქვა, რომ 2011 წლის აქციის დარბევაზე დასავლეთს და ევროპულ სტრუქტურებს რეაქცია არ ჰქონიათ

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა