საგარეო საქმეთა მინისტრი მიხეილ ჯანელიძე საქართველოში დღეს დაგეგმილ აშშ-ის ვიცე-პრეზიდენტის მაიკ პენსის ვიზიტს გამოეხმაურა.

როგორც მან დღევანდელ ბრიფინგზე განაცხადა, მისი  ვიზიტი ადასტურებს იმ ფაქტს, რომ აშშ-ის მხრიდან საქართველო აღიქმება, როგორც მტკიცე  მოკავშირე და სტრატეგიული პარტნიორი.

„მიმდინარე წლის მაისში საქართველოს პრემიერისა და აშშ-ს  ვიცე-პრეზიდენტის ოფიციალური შეხვედრა გაიმართა ვაშინგტონში, რომლის დროსაც გიორგი კვირიკაშვილმა მოიწვია მაიკ პენსი საქართველოში. მოხარული ვართ, რომ ვიცე-პრეზიდენტი პირველივე ევროპული ტურნეს ფარგლებში ესტუმრება საქართველოს. ასევე ხაზგასასმელია ის ფაქტი, რომ ვიცე-პრეზიდენტის ვიზიტი ევროპაში საქართველოსთან ერთად  იმართება ისეთ ქვეყნებში, როგორიცაა ესტონეთი და მონტენეგრო. ეს ნიშნავს, რომ საქართველო აღიქმება აშშ-ს მხრიდან, როგორც მტკიცე მოკავშირე და სტრატეგიული პარტნიორი. ამაზე მეტყველებს ის გზავნილი, რაც გაჟღერდა ვიცე-პრეზიდენტის მხრიდან, რომ ბალტიისპირეთის ქვეყნები, საქართველო და მონტენეგრო არიან ამერიკის მოკავშირეები აღმოსავლეთ ევროპაში და ამერიკა არის  და დარჩება ამ ქვეყნების გვერდით თავისუფლების დასაცავად“,-განაცხადა მიხეილ  ჯანელიძემ.

საქართველოს პრემიერ-მინისტრ გიორგი კვირიკაშვილის მოწვევით, 31 ივლისსა და 1-ელ აგვისტოს, საქართველოს ამერიკის შეერთებული შტატების ვიცე-პრეზიდენტი მაიკ პენსი, მეუღლესთან ერთად ეწვევა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნანუკა ჟორჟოლიანი ენმ-სთან კონსულტაციებს ადასტურებს

4 ოქტომბრის საქმეზე დაკავებული კიდევ 6 პირი საპროცესო შეთანხმებით გაათავისუფლეს

გალტ & თაგარტის ჩართულობით, ინვესტორებმა UzNIF-ის ისტორიულ IPO-ში მონაწილეობა მიიღეს

SOLO და სუხიშვილები წარმოგიდგენთ: "თაკარა" - ვინილი, რომელიც მოძრაობას ბგერად აქცევს