აჭარის ფსიქიატრიულ საავადმყოფოში ორი ახალი განყოფილება გაიხსნა.

აჭარის ჯანდაცვის სამინისტროს ინფორმაციით, რეაბილიტირებული სივრცე გათვალისწინებულია 65 წლისა და 65 წელს გადაცილებული მოხუცებისთვის 24 საათიანი თავშესაფრით უზრუნველყოფისათვის, ასევე ფსიქოსომატური აშლილობის მქონე (ნევროზული რეგისტრის) პაციენტთა სტაციონარული მომსახურებისათვის.

ღეს, ახალი განყოფილებები აჭარის ჯანდაცვის მინისტრმა ზაალ მიქელაძემ, მინისტრის მოადგილეებმა ლელა სურმანიძემ და ზურაბ თენიეშვილმა, აჭარის ფინანსთა და ეკონომიკის მინისტრმა რამაზ ბოლქვაძემ, აჭარის უმაღლესი საბჭოს თავმჯდომარემ დავით გაბაიძემ, უმაღლესი საბჭოს ჯანდაცვის კომისიის ხელმძღვანელმა ნუგზარ სურმანიძემ, ასოციაცია „ერთმანეთისთვის“ ხელმძღვანელმა სოფიო ბაკურიძემ, სახალხო დამცველის წარმომადგენლებმა და სხვა ოფიციალურმა პირებმა დაათვალიერეს.

ახალი ტექნიკითა და ინვენტარით აღჭურვილი გერიატრიული განყოფილება 50 პაციენტზეა გათვლილი, ფსიქოსომატური აშლილობის მქონე ბენეფიციარებისთვის გათვალისწინებულია 15 ადგილი.

განყოფილებებისთვის განკუთვნილ ფართს სრული რეაბილიტაცია ჩაუტარდა, შეიქმნა ადაპტირებული გარემო, კეთილმოეწყო მოსასვენებელი ოთახები, სველი წერტილები, სასადილო ოთახი, გართობის და დასვენებისთვის განკუთვნილი ოთახები. ასევე დამონტაჟდა ლიფტი.

მკურნალობა ითვალისწინებს მოვლა-პატრონობას, სამჯერად კვებას, ჰიგიენური ნივთებით უზრუნველყოფას. აღნიშნულ პროგრამებს აჭარის ჯანმრთელობისა და სოციალური დაცვის სამინისტრო აფინანსებს და აჭარაში რეგისტრირებული მოქალაქეებისთვის მომსახურეობა უფასოა.

იხილეთ სამინისტროს პროგრამები:

ნევროზული რეგისტრის დაავადებების მქონე პირთა სტაციონარული მკურნალობა

ფსიქიკური პრობლემების მქონე გერიატრიული პაციენტების თავშესაფრით უზრუნველყოფა

დამატებითი ინფორმაციისათვის დაუკავშირდით: ✆ +995 (422) 24-79-72, ✉ info.molhs@molhs.gov.ge , www.adjara.gov.ge

(NS)    

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაღალი აქტივობა: სომხეთში ამომრჩეველთა აქტივობამ საღამოს 5:00 საათის მონაცემებით თითქმის 49% შეადგინა

ტრამპმა კაპიტოლიუმის შენობაში შტურმის შედეგად დაზარალებულებისთვის კომპენსაციის გაცემის შესაძლებლობა წამოჭრა

ევროკავშირისა და დიდი ბრიტანეთის ავტოინდუსტრიები ელექტრომობილების წარმოშობის წესების შემსუბუქებას ითხოვენ ახალი ტარიფების რისკის გამო

სოფელ დიდგორთან მომხდარი ავტოავარიის შედეგად 5 ადამიანი დაიღუპა