თბილისში, აღმაშენებლის გამზირზე „ქართველთა მარში“ გაიმართა.

მსვლელობის მონაწილეების მთავარი მოთხოვნაა, სასწრაფო წესით იქნას მიღებული ახალი საიმიგრაციო კანონი და ყველა არალეგალის დეპორტირება მოხდეს.

აქციის მონაწილეებმა მოთხოვნების დასაკმაყოფილებლად ხელისუფლებას ერთკვირიანი ვადა მისცეს. როგორც მათ აღნიშნეს, წინააღმდეგ შემთხვევაში უფრო მასშტაბურ მარშს გამართავენ.

ადგილზე ასობით ადამიანი იმყოფებოდა. მათ სხვადასხვა შინაარსის ტრანსფარანტები ჰქონდათ მიტანილი: „დატოვონ საქართველო „მეძავობისთვის და პედოფილიისთვის ჩამოსულმა უცხოელებმა“; „ქართული საქართველოსთვის“ და სხვა.

აქციამ ინციდენტების გარეშე ჩაიარა. ადგილზე ასზე მეტი სამართალდამცველი იყო მობილიზებული.

შეგახსენებთ, „ქართველთა მარში“ აღმაშენებლის გამზირზე, 24-ე საჯარო სკოლის მიმდებარე ტერიტორიიდან დაიწყო და მარჯანიშვილის მეტროს მიმდებარე ტერიტორიაზე დასრულდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიშერი - ცოტა შეწუხებული ვარ პაპუაშვილის გამო, მას ან ნამდვილად არ ესმის, რას გულისხმობს ევროპა ან თავს აჩვენებს, რომ არ ესმის

რუსეთის მიერ უკრაინაში დადასტურებულმა დანაკარგებმა 350 000-ს გადააჭარბა

მოსკოვში გამარჯვების დღის აღლუმი ისტორიაში ერთ-ერთი ყველაზე მოკლე აღლუმი იყო

კობახიძემ ევროკავშირის ელჩს ტრაგიკული პიროვნება უწოდა, ჰერჩინსკიმ ლანძღვას უპასუხა