ერაყის პრემიერ-მინისტრის ჰაიდერ ალ-აბადის განცხადებით, ტერორისტული დაჯგუფება "ისლამური სახელმწიფო" დამარცხებულია, - ამის შესახევ Reuters იუწყება.

"ვაცხადებ, რომ დღეიდან მოსული გათავისუფლებულია დაეშის ტერორისტებისგან. ახლა გვაქვს ახალი მისია. უნდა შევქმნათ სტაბილურობა, გავერთიანდეთ, რომ ტერორიზმი საბოლოოდ დამარცხდეს", - განაცხადა ერაყის პრემიერმა.

ალ-აბადიმ მებრძოლებს და ამერიკის შეერთებული შტატების კოალიციას თავდადებისთვის მადლობა გადაუხდა და ISIS-ზე გამარჯვება მიულოცა.

მედიის ცნობით, ერაყის არმიამ დროშა გათავისუფლებულ ქალაქში კვირას აღმართა. ამასთან, ქალაქში ამ დრომდე საბოლოო გაწმენდითი სამუშაოები მიმდინაროებს, რათა ტერორისტების მიმალვა და შემდეგ მათ მიერ განხორციელებული შესაძლო თავდასხმების თავიდან არიდება მოხდეს.

გარდა ამისა, ერაყის პრემიერს გამარჯვება აშშ-ის პრეზიდენტმა დონალდ ტრამპმაც მიულოცა და დასძინა, რომ ტერორისტული დაჯგუფება ბოლომდე განადგურდება.

როგორც ტრამპმა აღნიშნა, „ისლამური სახელმწიფოს“ არსებობის დღეები სირიასა და ერაყში უკვე დათვლილია.

შეგახსენებთ, რომ მოსულის გამათავისუფლებელი მასშტაბური ოპერაცია გასული წლის ოქტომბერში დაიწყო. ქალაქს ბოლო 3 წლის განმავლობაში „ისლამური სახელმწიფო“ აკონტროლებდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის უშიშროება: უკრაინის უსაფრთხოების სამსახური მოსკოვის ოლქში სტრატეგიულ ობიექტზე დრონებით მასშტაბურ თავდასხმას გეგმავდა

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით

სუს: 9 რეგიონში ჩატარებული ღონისძიების შედეგად, დაკავებული და სისხლის სამართლის პასუხისგებაში მიცემულია 28 პირი

ფოთი - ჭადრაკის ქალაქი. საქართველოს ბანკი ფოთის საჭადრაკო კლუბის მთავარი მხარდამჭერია