საფრანგეთის პოლიციამ ქვეყნის პრეზიდენტ ემანუელ მაკრონზე თავდასხმის მზადებაში ეჭვმიტანილი 23 წლის მამაკაცი დააკავა, - ამის შესახებ BBC იუწყება.

მედია საშუალების ინფორმაციით, ეჭვმიტანილი ქალაქ არჟანტეას მკვიდრია. მამაკაცი პრეზიდენტზე თავდასხმას 14 ივლისს, ბასტილიის აღების დღეს გეგმავდა. 

როგორც მედია იტყობინება, თავდასხმის შესახებ მან კომპიუტერული თამაშის თანდართულ ელექტრონულ მიმოწერაში განაცხადა, სადაც ცეცხლსასროლი ავტომატური იარაღის შეძენით დაინტერესდა და მიზეზად თავდასხმა დაასახელა. რის შემდეგაც ერთ-ერთ სამთავრობო გვერდზე, რომელიც ინტერნეტში უკანონო აქტივობების მონიტორინგს ახორციელებს, შესაძლო თავდასხმის შესახებ ანონიმური შეტყობინება შევიდა. 

მედიის ცნობით, ეჭვმიტანილის სახლში მისულ პოლიციელებს მამაკაცი სამზარეულოს დანით დაემუქრა. პოლიციამ ცივი იარაღი მის კუთვნილ ავტომობილშიც აღმოაჩინა. დაკითხვისას ეჭვმიტანილმა განაცხადა, რომ პრეზიდენტის მოკვლა პოლიტიკური მოსაზრებებით სურდა და ასევე გამიზნული ჰქონდა სხვა ეთნიკურ თუ რელიგიურ უმცირესობებზე თავდასხმა. 

BBC წერს, რომ მამაკაცი მანამდე გასამართლებული იყო. მას 3 წელი ჰქონდა მისჯილი. მაშინ ერთ-ერთ სასამართლო სხდომაზე მან განაცხადა, რომ ნორვეგიელი ანდერს ბრეივიკის ქმედებებს ამართლებს. (ცნობისთვის, ბრეივიკმა 2011 წელს 77 ადამიანი მოკლა). 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო

სასამართლომ „ფორმულა“ გოგა ხაინდრავასთვის „მორალური ზიანის მიყენების გამო“ 10 000 ლარით დააჯარიმა

იავნანა ქართულის 1-ელი გაკვეთილი, BOG-ის ინიციატივა საზღვარგარეთ მცხოვრები ბავშვებისთვის

რუსეთის უშიშროება: უკრაინის უსაფრთხოების სამსახური მოსკოვის ოლქში სტრატეგიულ ობიექტზე დრონებით მასშტაბურ თავდასხმას გეგმავდა