„რუსეთი ჩვენს მოძმეებს აფხაზეთში კვლავ სთავაზობს სამხედრო რიტორიკას და იარაღის ჟღარუნს“, - ასე გამოეხმაურა საპარლამენტო უმრავლესობის ლიდერი არჩილ თალაკვაძე რუსეთის თავდაცვის სამინისტროს მიერ ოკუპირებულ აფხაზეთში დაგეგმილ სამხედრო წვრთნებს.

როგორც თალაკვაძემ აღნიშნა, ოფიციალური თბილისის საპასუხო ნაბიჯი საერთაშორისო თანამეგობრობის მობილიზება იქნება.

„მინდა გამოვეხმაურო რუსეთის ფედერაციის თავდაცვის უწყების მიერ გავრცელებულ ინფორმაციას მორიგი სამხედრო წვრთნების შესახებ აფხაზეთში, ოკუპირებულ ტერიტორიაზე. მინდა კიდევ ერთხელ დავაფიქსირო ჩვენი პოზიცია - მიგვაჩნია, რომ ეს არის მორიგი არალეგიტიმური მოქმედებები ჩვენს ტერიტორიაზე. ჩვენ გავაკეთებთ ყველაფერს, რომ საერთაშორისო პასუხი იყოს ამაზე ერთიანი. რაც შეეხება თავად ამ ღონისძიებებს, რაც არის დაგეგმილი - სამხედრო წვრთნებს, რუსეთის კიდევ ერთხელ ცდილობს, იმის ნაცვლად, რომ ცივილიზებული სამყაროს სამართლიანი პოზიცია დაინახოს ჩვენს სუვერენიტეტთან და ტერიტორიულ მთლიანობასთან დაკავშირებით, ეს ყველაფერი ჯერჯერობით კვლავ იგნორირებულია. რეალურად მაშინ, როდესაც აფხაზეთს სჭირდება ეკონომიკური განვითარება, ინფრასტრუქტურული განვითარება, ახალ შესაძლებლობები, რუსეთი ჩვენს მოძმეებს კვლავ აფხაზეთში სთავაზობს სამხედრო რიტორიკას და იარაღის ჟღარუნს. რა თქმა უნდა ამაზე ჩვენი პასუხი არის კიდევ უფრო მეტი მობილიზაცია საერთაშორისო აზრის, საერთაშორისო თანამეგობრობის, ჩვენი პარტნიორების და ჩვენი ქვეყნის მხრიდან ეკონომიკური განვითარება, დემოკრატიული სტანდარტის გაუმჯობესება და ახალი შესაძლებლობების მიტანა ჩვენს აფხაზ ძმებთან“,- განაცხადა არჩილ თალაკვაძემ.

ცნობისთვის, ოკუპირებულ აფხაზეთში რუსეთი ფართომასშტაბიან წვრთნებს გეგმავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ცისფერი მთებივით“ ვეღარ გაურკვევიათ, აქ არიან, თუ იქ - პაპუაშვილი ენმ-ზე

პაპუაშვილი - რუბიო არც კი ხვდება კაია კალასს, ასეთი უმწიფარი საგარეო პოლიტიკა რომ აქვს ევროკავშირს

საქართველოს ბანკის და კომაროვის ყველაზე მასშტაბური STEM ოლიმპიადის გამარჯვებული ცნობილია

სი ძინპინმა განაცხადა, რომ ჩინეთ-ჩრდილოეთ კორეის ურთიერთობები ახალ ისტორიულ ეტაპზე შევიდა