შინაგან საქმეთა მინისტრის მოადგილის შალვა ხუციშვილის ინფორმაციით, აზერბაიჯანელი ჟურნალისტის აფგან მუხთარლის საქმეზე ვიდეოკამერების ჩანაწერები გასაჯაროვდება.

თუმცა, როგორც ხუციშვილმა განმარტა, ეს გამოძიების შუალედური შედეგების გამოქვეყნების შემდეგ მოხდება.

მისივე თქმით, შედეგები მას შემდეგ გამოქვეყნდება, რაც ქართველი გამომძიებლები აზერბაიჯანელ ჟურნალისტს დაკითხავენ.

„როგორც იცით, მივმართეთ აზერბაიჯანის შესაბამის საგამოძიებო უწყებებს. ახლა ველოდებით, რომ ჩვენმა გამომძიებლებმა ის დაკითხონ. იქამდე, სანამ არ შეჯერდება საერთო სურათი, შუალედურ შედეგებს ვერ გამოვაქვეყნებთ. ვიხილეთ მუხთარლის განცხადებები ცალკეულ საკითხებზე, თუმცა საერთო სურათისთვის გვჭირდება უფრო დეტალური ჩვენებები. ვიდეოკამერები აღნიშნული საქმის მხოლოდ ერთი კომპონენტია, ამის გარდა დაკითხულია ათეულობით მოწმე“, - განაცხადა შალვა ხუციშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთმა ოდესაზე იერიში მიიტანა: 10 ადამიანი დაშავდა, მათ შორის 2 ბავშვი

მაჭარაშვილმა საქართველოში ევროკავშირის ელჩი რუსეთის ეგზარქოს შეადარა

საიმიგრაციო კონტროლის ღონისძიებების შედეგად უცხო ქვეყნის 55 მოქალაქე დააკავეს

პოლიციამ მარტვილში ყაჩაღობის ფაქტზე ორი პირი დააკავა