2017-06-22 14:30:48, 2782 ნახვა
მსოფლიო
საქართველოს საზღვართან დაკავებული აზერბაიჯანელი ჟურნალისტი გაათავისუფლეს
საქართველოს საზღვართან დაკავებული აზერბაიჯანელი ჟურნალისტი კამრან მაჰმუდოვი გაათავისუფლეს, - ამის შესახებ MeydanTV იუწყება.
მედია საშუალების ინფორმაციით, ჟურნალისტი სასამართლოში სარჩელის შეტანას გეგმავს.
"საზღვარზე დამაკავეს. მითხრეს, რომ სამართალდამცავ ორგანოებს უნდა გადამცენ, რადგან ძებნაში ვიმყოფები. განყოფილებაში მითხრეს, რომ არაფერი იციან. მხოლოდ ის ვიცი, რომ აზერბაიაჯანის შინაგან საქმეთა სამინისტრომ 27 აპრილიდან გასცა განკარგულება, რომ მე ქვეყნის ტერიტორია არ უნდა დამეტოვა. ამის მიზეზი არ ამიხსნეს. მითხრეს, რომ ბაქოში უნდა დავბრუნდე", - აღნიშნა ჟურნალისტმა.
შეგახსენებთ, რომ აზერბაიჯანელი ჟურნალისტი საქართველოს საზღვართან დღეს დააკავეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
