საქართველოს პარლამენტის თავმჯდომარის ირაკლი კობახიძის განცხადებით, პროპორციული საარჩევნო სისტემის ამოქმედების ვადებთან დაკავშირებით, მმართველ გუნდში აზრთა სხვადასხვაობა იყო, თუმცა ის ამით მხოლოდ ამაყობს.

როგორც კობახიძემ პარლამენტის რიგგარეშე სხდომაზე განაცხადა, სადაც კონსტიტუციურ პროექტს პირველი მოსმენით განიხილავენ,  115-ვე დეპუტატი ერთ აზრზე ვერ იქნება და ეს ბუნებრივი და დემოკრატიული პროცესია:

„უმრავლესობა  შეჯერდა გარკვეულ გადაწყვეტილებაზე. იყო დისკუსია, აზრთა სხვადასხვაობა უმრავლესობის შიგნით. აქ იყო დასმული საკითხი ისე, თითქოს პარლამენტის თავმჯდომარე რასაც იტყვის, ერთხმად 115-ვე დეპუტატი აუცილებლად უნდა იმას მიყვეს, რა თქმა უნდა, არსებობს აზრთა სხვადასხვაობა უმრავლესობაში, მმართველ გუნდში და ამით ჩვენ ვამაყობთ. შეუძლებელია 116 ადამიანს ერთი და იგივე აზრი ჰქონდეს,  განსაკუთრებით პრინციპულ საკითხებთან დაკავშირებით“,-აღნიშნა ირაკლი კობახიძემ.

ცნობისთვის, 2020 წელს საპარლამენტო  არჩევნები დღეს მოქმედი შერეული სისტემით ჩატარდება, ხოლო პროპორციული საარჩევნო სისტემა 2024 წლიდან ამოქმედდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

AI განათლება მომავლის შესაძლებლობებისთვის: თიბისისა და GAIA-ს ერთობლივი ინიციატივები

სტუდიო ლიბერთი Global Tech Weekend Tbilisi 2026-ის მთავარი პარტნიორია

მოსკოვში ავტომობილის აფეთქების შედეგად მოკლული გენერალი დამირ დავიდოვია, რომელიც სარაკეტო და არტილერიის დირექტორატის ხელმძღვანელობდა

თალიბანის პოლიციამ ცეცხლი გაუხსნა „ჰიჯაბის არასათანადო “ ტარების გამო ქალების დაპატიმრების წინააღმდეგ გამართული საპროტესტო აქციას