2017-06-20 13:55:51, 2519 ნახვა
პოლიტიკა კომენტარი
ქუცნაშვილი: მინისტრმა ბრძანა, რომ შსს-ს არცერთი ქვედანაყოფი აფგან მუხთარლის საქმესთან კავშირში არ არის
„შს მინისტრმა ბრძანა, რომ შინაგან საქმეთა სამინისტროს არც ერთი ქვედანაყოფი აფგან მუხთარლის საქმესთან კავშირში არ არის“, - ამის შესახებ საპარლამენტო უმრავლესობის დეპუტატმა ზაქარია ქუცნაშვილმა ჟურნალისტებს განუცხადა.
მისი თქმით, უმრავლესობის წევრებმა შს მინისტრთან შეხვედრააზე ყველა შეკითხვა დასვეს, რაც აქტუალურია.
რაც შეეხება იმას, მიაჩნია თუ არა მიზანშეწონილად საპარლამენტო კომისიის შექმნა, დეპუტატი მიიჩნევს, რომ ეს საკითხი მაშინ უნდა დადგეს, თუ სასამართლოს ჩატარების შემდეგ, რაიმე შეკითხვა დარჩება.
ცნობისთვის, „ქართული ოცნების“ დეპუტატები დღეს პარტიის ცენტრალურ ოფისში, შს მინისტრ გიორგი მღებრიშვილს შეხვდნენ. მღებრიშვილი შეხვედრაზე მოადგილეებთან ერთად იმყოფებოდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
