2017-06-09 15:55:57, 2113 ნახვა
სამართალი კომენტარი
პროკურორი: საქმეში არსებული ვიდეო ჩანაწერები სხვა პირების პირად ცხოვრებას განიხილავს
ე.წ. ციანიდის საქმის პროკურორმა ზვიად გუბელაძემ კიდევ ერთხელ განმარტა, რომ ბრალდებულ მამა გიორგი მამალაძის სისხლის სამართლის საქმეში არ არსებობს ვიდეო კადრები, რომლებიც პირადი ცხოვრების დეტალებს ასახავს.
პროკურორის განმარტებით, საუბარია ვიდეო ჩანაწერებზე, სადაც ასახულია გიორგი მამალაძისა და ირაკლი მამალაძის საუბარი და ხდება სხვა პირთა პირადი ცხოვრების განხილვა.
ვინაიდან, პროკურორის თქმით, კადრების ჩვენება სხვა პირებს უარყოფით კონტექსტში წარმოაჩენს სხდომა დახურული უნდა იყოს.
„ვიდეო ჩანაწერები სხვა პირების პირად ცხოვრებას განიხილავს. საქმეში არ არსებობს ვიდეო კადრებ, სადაც მოცემულია პირადი ცხოვრების ამსახველი დეტალები“,-აღნიშნა გუბელაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
