მაკედონიის კონტრდაზვერვის სამსახური რუსეთს ბოლო 10 წლის განმავლობაში ქვეყნის შიდა პოლიტიკაში ჩარევაში, პროპაგანდის გავრცელებასა და განხეთქილების პროვოცირებაში ადანაშაულებს, - ამის შესახებ Krik.rs ჟურნალისტური გაერთიანების “ორგანიზებულ დანაშაულთან და კორუფციასთან ბრძოლის პროექტის” მიერ მოპოვებულ სადაზვერვო დოკუმენტებზე დაყრდნობით იუწყება.

მედია საშუალების ინფორმაციით, რუსეთის საგარეო და სამხედრო დაზვერვის სამსახურები, რუს დიპლომატებთან ერთად, მაკედონიისა და ბალკანეთის სხვა სახელმწიფოების პოლიტიკაზე გავლენის მოხდენას ცდილობდნენ, იმისათვის რომ მათი ნატო-ში გაწევრიანების პრევენცია მოეხდინათ. 

რუსეთმა სადაზვერვო მონაცემები მას შემდეგ გაააქტიურა, რაც ბალკანეთის რამდენიმე სახელმწიფომ ნატო-ში გაწევრიანების სურვილი გამოთქვა. მაკედონია ნატო-ს წევრობის კანდიდატი ქვეყანაა და შესაბამისად აღნიშნულ ბრალდებებს ეს ფაქტიც ამყარებს.

როგორც Krik-ი წერს, მაკედონიის დაზვერვას რუსეთის საქმიანობის ერთ-ერთ შედეგად 2014 წლის მოვლენები მოჰყავს, როდესაც უკრაინაში შეჭრის შემდეგ დასავლეთის მიერ რუსეთის წინააღმდეგ დაწესებულ სანქციებს მაკედონია არ შეუერთდა და გადაწყვეტილება ეკონომიკური მიზნებით ახსნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვაშინგტონმა კიდევ ერთხელ განაცხადა, რომ რუსული ნავთობის წინააღმდეგ სანქციების შემსუბუქებას არ გააგრძელებს

ზელენსკიმ რუსეთსა და უკრაინას შორის მოლაპარაკებების აზერბაიჯანში გამართვა შესთავაზა

მაკრონი: ევროპელებმა უნდა აღიარონ, რომ აშშ, ჩინეთი და რუსეთი ახლა ჩვენს წინააღმდეგ არიან

ზელენსკი აზერბაიჯანში ალიევთან შესახვედრად ჩავიდა