1 ივნისს, საქართველოს სახალხო დამცველის აპარატის აჭარის ოფისისა და „ბათუმის ახალგაზრდული ცენტრის” ორგანიზებით, ანბანის კოშკში, გაიმართა დისკუსია თემაზე „ბავშვთა უფლებრივი მდგომარეობა საქართველოში - დღეს არსებული რეალობა და გამოწვევები“.

შეხვედრაზე წარმოდგენილი იქნა საქართველოს სახალხო დამცველის 2016 წლის საპარლამენტო ანგარიში. შეხვედრაზე მიწვეული იყვნენ ადგილობრივი თვითმმართველობების, აჭარის მთავრობის, რესურს-ცენტრების, სოციალური მომსახურების სააგენტოს და რეგიონში მოქმედი არასამთავრობო ორგანიზაციების წარმომადგენლები. ანგარიშის პრეზენტაციას დაესწრო აჭარის ჯანდაცვის მინისტრი ზაალ მიქელაძე მინისტრის მოადგილეებთან ერთად.

დისკუსიის პარალელურად ანბანის კოშკში გაიმართა „ინკლუზიური სწავლების ცენტრის“ ბავშვების ნამუშევრების გამოფენა-გაყიდვა.

ეს დღე მრავალ ქვეყნაში აღინიშნება და წარმოადგენს იმის შეხსენებას, რომ სახელმწიფო ვალდებულია, უზრუნველყოს თითოეული ბავშვის კეთილდღეობა, რაც გულისხმობს მათი სიცოცხლისა და ჯანმრთელობის, ხელმისაწვდომი განათლებისა და ცხოვრების სათანადო პირობებით სარგებლობის უფლებათა განხორციელებას.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა