თბილისში, პარლამენტის შენობასთან, აზერბაიჯანელი ჟურნალისტის აფგან მუხთარლის მხარდამჭერი მორიგი აქცია მიმდინარეობს.

აქციაზე არასამთავრობო ორგანიზაციის წევრები, ჟურნალისტები, დაკავებული ჟურნალისტის მეუღლე და მისი მხარდამჭერები იმყოფებიან. ისინი მუხთარლის გაუჩინარებას სტვენით აპროტესტებენ.

როგორ აქციის მონაწილემ, ჟურნალისტმა თაზო კუპრეიშვილმა აღნიშნა, ისინი კითხვებზე პასუხს ითხოვენ.

„გუშინ და გუშინწინ პასუხს ვითხოვდით კითხვებზე, როგორ აღმოჩნდა ჩვენი აზერბაიჯანელი კოლეგა თბილისიდან ბაქოს ციხეში. ჩვენ პასუხი ვერ მივიღეთ ამ ორი დღის განმავლობაში. პასუხად გვესმის მხოლოდ გაუგებარი განცხადებები. ქართული საგამოძიებო მხარისთვის მნიშვნელოვანია აზერბაიჯანული საგამოძიებო სამსახურის შედეგი, რადგან იგი გვთხოვს დაველოდოთ აზერბაიჯანული მხარის გამოძიების შედეგს. არ ვენდობით გამოძიებას'',-განაცხადა კუპრეიშვილმა.

შეგახსენებთ, რომ აზერბაიჯანელი ჟურნალისტი საქართველოში 29 მაისს "გაუჩინარდა“. 30 მაისს მედიაში გავრცელდა ინფორმაცია, რომ ის აზერბაიჯანში ნაცემ მდგომარეობაში, მალულად გადაიყვანეს. მას სამართალდამცველებისთვის წინააღმდეგობის გაწევის, საზღვრის უკანონო კვეთისა და კონტრაბანდის მუხლებით წაუყენეს ბრალი. გუშინ ბაქოში წინასასამართლო სხდომა გაიმართა. ჟურნალისტს წინასწარი 3-თვიანი პატიმრობა შეეფარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა