აზერბაიჯანელი ჟურნალისტის აფგან მუხთარლის მეუღლე ლეილა მუსტაფაევა სათვალთვალო კამერების ჩანაწერების გასაჯაროებას ითხოვს.

როგორც დაკავებული აზერბაიჯანელი ჟურნალისტის მეუღლემ საზოგადოებრივ მაუწყებელს განუცხადა, ის კატეგორიულად გამორიცხავს აზერბაიჯანის პროკურატურის ვერსიას იმის შესახებ, რომ მუხთარლი საზღვრის უკანონო კვეთისას დააკავეს.

ლეილა მუსტაფაევა დარწმუნებულია, რომ მისი მეუღლე თბილისი ცენტრიდან გაიტაცეს და ამ შემთხვევის შესახებ ქართულმა ძალოვანმა უწყებებმა იცოდნენ.

ამასთან, მუსტაფაევა შინაგან საქმეთა სამინისტროსა და სახელმწიფო უსაფრთხოების სამსახურის პასუხისმგებლობაზე საუბრობს.

"საქმე აქ გატაცებაშია, რადგან მათ პასუხისმგებლობა უნდა აიღონ, ახლა 100 პროცენტით დარწმუნებული ვარ, რომ ისინი აზერბაიჯანთან თანამშრომლობდნენ. ჩემი მეუღლე გატაცებულია და ეს შინაგან საქმეთა სამინისტროს სირცხვილია. თუ მან თავისით გადაკვეთა საზღვარი, ამოიღონ სათვალთვალო კამერების ჩანაწერები, სადღაც გზაზე ხომ მაინც უნდა გამოჩენილიყო, თუ თავისით წავიდა. თბილისიდან ლაგოდეხში ხომ ვერ გადაფრინდებოდა“, - ამბობს ლეილა მუსტაფაევა.

მისივე თქმით თვალთვალის შესახებ სამართალდამცავებს არ მიმართეს რადგან დახმარების იმედი არ ჰქონდათ.

"ერთმა ჩვენმა თანამემამულემ, დულურ კაზიმოვამ მიმართა სამართალდამცველებს, რომ დასდევდნენ, ამას რეაგირება არ მოჰყოლია. დაშქინ აღალარლიმ მიმართა, შედეგი არც მაშინ არ ყოფილა. ჩვენც იგივე სიტუაციაში ვიქნებოდით. კარგი ჩვენ არ მივმართეთ მაგრამ სხვები? გამოიძიეს? არა!", - განაცხადა ლეილა მუსტაფაევამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა