იუსტიციის სამინისტროს სსიპ „დანაშაულის პრევენციის ცენტრი“, ეკონომიკისა და მდგრადი განვითარების სამინისტროს სსიპ "საქართველოს ინოვაციების და ტექნოლოგიების სააგენტოსთან" ერთად იწყებს პროექტს - „IT მიმართულებით ტრენინგები“.

პროექტში დანაშაულის პრევენციის ცენტრის 50 ბენეფიციარი ჩაერთო. მისი მიზანია ახალგაზრდების თანამედროვე და ინოვაციური ტექნოლოგიებით დაინტერესება, ახალი შესაძლებლობების ჩვენება და ინიციატივების წახალისება.

პროექტის დაწყებას სსიპ „დანაშაულის პრევენციის ცენტრის“ დირექტორი თათია ხოჭოლავა დაესწრო და ბენეფიციარებს წარმატებები უსურვა.

პროგრამის მონაწილეებმა უკვე შეარჩიეს ინფორმაციული ტექნოლოგიების 9 სხვადასხვა მიმართულებიდან მათთვის სასურველი ტრენინგები და დაკომპლექტებულია ჯგუფებიც.

პირველ ეტაპზე სწავლა 3 მიმართულებით დაიწყება.

ყველაზე მოთხოვნადი მიმართულებებია - ვებგვერდის შექმნა, ვებსერვერული აპლიკაციები, პროგრამირების საწყისები, პროექტების მართვა და სხვა. 

პროექტის მონაწილეებს კომპიუტერთან მუშაობის ზოგადი გამოცდილება ევალებოდათ.

მიღებულ ცოდნას 14-25 წლის ახალგაზრდები საქართველოს ინოვაციების და ტექნოლოგიების სააგენტოს ბაზაზე პრაქტიკაში გამოიყენებენ.

თითოეულ ჯგუფს ტრენინგებს ტექნო პარკის ბაზაზე საქართველოს ინოვაციების და ტექნოლოგიების სააგენტოს მიერ გადამზადებული ტრენერები ჩაუტარებენ.

სსიპ „დანაშაულის პრევენციის ცენტრი“ სამიზნე ჯგუფებს სხვადასხვა საგანმანათლებლო/შემეცნებით პროექტებს სისტემატურად სთავაზობს.

პრევენციული პროექტების ერთ-ერთი მთავარი მიზანი ბენეფიციარებში ინიციატივების გამოვლენა და მათი განვითარების ხელშეწყობაა.

სსიპ „დანაშაულის პრევენციის ცენტრი“ აქტიურად თანამშრომლობს სსიპ „ინოვაციების და ტექნოლოგიების სააგენტოსთან“.

სააგენტოს ერთ-ერთი უმნიშვნელოვანესი პრიორიტეტი ქვეყანაში ცოდნასა და ინოვაციებზე დამყარებული ეკონომიკის შექმნაა.

სააგენტოს ორგანიზებით ხორციელდება სხვადასხვა შემეცნებითი ღონისძიება, მათ შორის ტრენინგები IT მიმართულებით.

ტექნოპარკში თავმოყრილია ტექნოლოგიური, საგანმანათლებლო და პროფესიონალური რესურსები, რაც წარმოადგენს ერთგვარ პლატფორმას ინოვაციებსა და ტექნოლოგიებზე დაფუძნებული იდეების განვითარებისთვის.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა